: I J ' " E

Hiz dikî hemû tiştê kevn û kol,
Lê bengî dibî ser jinê teze. . .
***
- Her tişt buhurî, şayîrê dilçivîk?-
Jina min bi ken minra dibê,-
Te bîr kir dîsa ewka hizkirî?
Usane şan û şertê hubê?
Ew xweşiya dike, lê ez dibêjim:
- Ew zerî dû bûn, dûkî sihal,
Bengîbetalya cahiltyê pêşin. . .
Bayê wedera çûn sal bi sal.
O, badilhewa mekene,qismî jin,
Xweşiyê xwe meke, tirbetalî
Çim hergê, wekî ez tera bêjim-
Yeke porzêre dêm şemalî
Dilê minda bûye teva şebeqê...
Oh, jinik koziya dilêm venede,
Navda nevîn vî agirî,
Û bira ew ken, laqirdiya te. . .
Ciyê badê nebe çêr û êtî. . .
***
Hûn ne bi qerfa, ne jî bi pesna
Naguhêzin emirê minî şik û şîn.
Mîna nexweşê ber melehizna
Xewnerojkada ez îda dijîm.
Dadigerînim rojêd buhurî,
Mîaser dikim nêtêd nebûyî,
Ser gundîkêda pêz didim bêrî-
Bi kubira wêva bextewar bûyî.
Bostana davêm, neviya hiz dikim,
Çema dibim ser tatê terikî,
146