: I J ' " E

Datîne li ser
Istola kêmber
Balola kaxez:
"Destê xwe donke,
Çevê me ronke
Bi tercimê baş..."
Fêrîk radîoyêda, para kurdîda tê kivşkirinê çawa serwêrê para
edebiyetê.
Sala 1961-î kitêba Fêrîke pêşin -"Çevkanî" çap dibe. Ew ji aliyê
xwendewanada rind tê qebûlkirinê. Ew hub û hisreta şayîr bû. Mîna
çevkaniya zelal bû û şayîrtiya Fêrîke helal elam dikir. Wê salê jî
berevoka "Efrandinêd nivîskarêd kurdê sovêtiyê"- da neh helbestêd
Fêrîk çap bûn.
Radîoyêda Fêrîkê Ûsiv bi helalî dixebitî. Ewî rastgo bû. Qebûl
nedikir qelpî, derewî, durûtî, nivîsarêd sist paşda dida, a bona wê yekê
jî serekrêdaktorê berê dek-dolav li dora Fêrîk hunand, û ûsa kir, ku
Fêrîkji xebatê derxistin. . .
Fêrîk çendekî şûnda helbestêd xweye çapkirî û neçapkirî kire
çelte û bir derê malê şewitand. Digo: "Kêra dinivîsim?"...
SALÊD 1963-1968
Pey dûrketina ji xebata radîoyêra Fêrîk ber xwe diket. Ruhê wî
rehetî nedidît.
Hecîyê Cindî Fêrîk kire xîretê, go:
- 250-î saliya şayîrê ermenyayî mezin Sayat-Nova gere bi şaynetî
bê kivşikirinê. Were em berevokeke tercma hazir bikin,- pirtûka
Sayat-Nova da Fêrîk, go, - kîjan helbesta tuyê tercmekî xwera bibjêre,
yêd din jî ezê tercmekim.
Fêrîk xwend û tercme kir... klamkî sitra, tercmê xwe şande
rojnema "Rya teze" û radîoyê. Bi tercmê Fêrîk kilamêd Sayat-Nova
radîoyêda sitran. Paşê, payîza sala 1963-a, Fêrîkê Ûsiv tevî konkûrsa
qedandina efrandinêd Sayat-Novaye baş bû.
Fêrîk helbest û terçmên xwe tim bi hostatîke mezin ezberî digot.
Ev car başqe bû: gere ber jyûriya maqûl bixwenda, rind hazir dibû.
Gere artîstêd ermeniye eyanra pêşda bihata. Hate elamkirinê, wekî
helbestvanê kurdî cahil Fêrîkê Ûsiv wê şiyêra Sayat-Novaye "Tu
hingêda aqilbendî" bi tercma xwe bixûne.
Serayê bi hewaskarîke
mezin li bejn-bala Fêrîk û bedewiya wî dinhêrî. Zef ker û lal, te tirê
332