: I J ' " E

Çaxê axê ez bûm heqî,
Li min nedin xêr û baqî:
Bera yar bên hev ramûsin,
Ser min bêjin beytê Feqî. . .
***
Ez kalim, extiyarim, ji hal ketî,
Dilê min -zareke bê fem û nes.
Şev û ro bêhewal, bêtabetî
Nahêle hêsa bim, rehet bim ez.
Ha digirî, dikene, ha diqare:
Lê hiltêm, ew ya xwe dike dîsa,
Ya rebî, ya xaliq ev çi zare:
Deqekê namîne dînc û hêsa.
Roja min pûç diçe, li min tê şev,
Hê digirî sêwya min colangqefes,
Xewa min difire, çev naçin hev,
Dikevim hal-bela can û nefes.
Û hêbet distirêm, dibêm "Lûrî",-
Wê dihejînim bi kilam û beyt,
Zara min dikeve xewa kûrîn,
Hêja ez radizêm dînc û rehet. . .
GAZIN
Te emirê min pêda kire jer û jan,
Tîraxa kewkiyê nemerdêd xûjan.
Bi hêrseke har, bi kîneke ûc
Min dizêrînin sûckar û bêsûc. . .
Çi ji min dixwezin? Naşêkirînim ez
Ewê dayîna te bi heyr û hewas-
Da şayîrekî bê dîn û dewlet
Li vê navbeyna mûre mixenet?...
192