Eibarko euskara Gure hizketaren doinu eta berbak Asier

Gainontzeko hitzetan, ostera, luze eta ez hain arruntetan, normalean ez da b>p bilakaerarik:
Ser nai dosue sue(k) baskaittarako?
Jesus! Are(k) burrukan pasatzen juek egun osua!
Josemari(k) bidigarro mordua arrapau jittuan eskeran.
One(k) basarrixok Gorostaballekuak dittuk; arek ez, arek Mandiola.
2.2.10.10.- -k + d- > ez dago aldaketarik
Inguruko zenbait hizkeratan (Lea-Artibaikoetan, esate baterako), -k + d- > t- bilakaera
gertatzen da (Joxek dauka > Joxe tauka) 66 . Eibarren ez da horrelakorik gertatzen,
eta elkarketa horretan ez dago aldaketarik (-k herskaria leuntzea besterik ez).
Joxek dauka > Joxe(k) daka
2.2.10.11.- -t + b- > p-
Aurrekoaren antzera, -t herskariaren ostean ere b- ahostuna ahoskabe bihurtzen da
sarritan. Oraingoan ere, gehienbat bai, ba eta be partikulen kasuan:
bat bai beintzat > ba’ pai beintzat
es dakit ba > estaki’pa
bat be es > bapes
2.2.10.12.- Berba amaierako -t herskaria galtzea
Berba amaierako -t herskaria, beste kontsonante guztiekin osatzen dituen kontsonante
multzoetan, leundu eta galdu egiten da sistematikoki ahozko jardunean:
114
artu dot dirua > artu do dirua
bost frontoi > bos frontoi
Ezaugarri fonetikoak
66 Hualdek, Elordietak eta Elordietak (1994) zein Rotaetxek (1978) hainbat adibide dituzte Lekeitio eta
Ondarrurako: posi tas (pozik daude), gixona tira (gizonak dira), sema tatos (zenbat datoz). Eibarren ez dugu
horrelakorik aurkituko.
Eibarko Euskara. Gure hizketaren doinuak eta berbak