Eibarko euskara Gure hizketaren doinu eta berbak Asier

Sarrera
aldamenean duten Soraluze-Elgeta-Bergara inguruko ikututxoa dute, eta
Agiñagakoek Markina aldekoa. Baina Eibar herri txikia da eremuz, eta erdigune
garrantzitsua eta garbia du. Ondorioz, auzo batetik besterako aldea hutsaren
hurrengoa da. Agiñaga, Usartzatik bestekaldera dagoenez 5 , berezi samarra izan
daiteke zenbait ezaugarritan, lan honetan ikusiko dugunez, baina, oro har, Eibarko
auzo guztien artean batasun handia dago. Gurean ez dago Oñati, Aramaio,
Markina edo Mungia bezalako herri zabaletan agertzen den auzo batetik besterako
alderik. Gaur egun, ezberdintasunak izatekotan, kaletar eta baserritarren artean
daude, eta horrez gainera, gehienbat, adinak eta alfabetizazioak eragiten dituenak;
ez horrenbeste geografiak eragindakoak.
Ibar estu batean kokatuta, herrigune indartsua, auzoak ez nabarmenegiak, eta beste
herri handiegirik ez alboan, Eibarrek eta bere euskarak nortasun berezia hartu dute
denboran zehar, inguruko gainontzeko herrietatik bereizten joan dena, eta erabat
gorpuztu dena gure herriko aldapetan.
Mertxete eta Areta baserriak, Otaola-Kiñarraga auzoa. Asier Sarasua.
5 Mendiaz bestekaldera dago Agiñaga, Lea-Artibai arroan. Markinako Barinaga auzoa bertan dute, Markina
eta Etxebarri ingurura joateko ohitura izan dute beti, kanposantua dute... Horrek izaera berezia eman dio
auzoari. Hala ere, eibartar sentitzen dira eta merkatura ere Eibarrera etorri izan dira, eta hizkeraren ezaugarri
nagusiak (salbuespenak salbuespen) Eibarko berberak dira.
Eibarko Euskara. Gure hizketaren doinuak eta berbak 37