Eibarko euskara Gure hizketaren doinu eta berbak Asier

Pelotan zelan hasi zan
468
MIGUEL GALLASTEGI
Asoliartza (Mandiola), 1918
– Ba, pelotan ni hasi nintzan… Lehelengotik Aiuntamentura, eskolara edo, hamar urtekin
edo, hamaika urtekin edo holan pixkat. Eta gero aittari eta amari soluan biharrian eta
laguntzen netsen pixkat. Eta handik hanka eitten neban batzuetan frontoira. Han gure
etxetik, bastante urrin eguan, Eskola Armerixatik aurrera fanda, frontoia, Kiputxanekua.
Eta hantxe jokatzen genduan lagunak eta pelotan. Eta beti, en fin, afiziñua neukan pelotarako
haundixa.
– Eta jada hamazazpi urterekin, oker ez baldin banago, debut egiten duzu. Hamazazpi
urterekin.
– Bai. Hamazazpi urtekin ekin netsan. Pelotazo haundixak joten nittuan: batzuek hutsak
be haundixak eta beste batzuek esaten esten “hik pelotarixa izan bihar badok, ni fraille
izango nok”. Orduan karreria zan fraille izatia eta. Eta beste batzuek, beste intendido
batzuek, esaten esten: “Hik dakaan formia pelotia joteko, hik dakaan itxuria, iñork be ez
jakak. Hi zaindu hari eta segi pelotan jokatzen”. Eta nik… nere pentsamentua horixe zan:
pelotarixa izatia. Eta nere aureola zan, aber, pelotari nahi urtetzia, nahi izatia. Eta debutau
neban.
– Eibarren.
– Eibarren. Astelenan. Fronton Astelenan. Eta Marinori jokatu netsan lehelengo partidua.
Eta galdu ein netsan. Eta gero…
(…)
Gaur egungo hiztunen lekukotza
– Gerra aipatu duzu eta badakit garai hartan bai Karakate eta bai Kalamua inguruan frenteak
bazirela eta Eibarko Astelena pilotalekuan soldaduak ere sartu zirela eta ez pelotan
jokatzera, ezta?
Eibarko Euskara. Gure hizketaren doinuak eta berbak