Eibarko euskara Gure hizketaren doinu eta berbak Asier

3.2.- DETERMINATZAILEAK
Izenaren edo [izen+adjektibo] multzoaren erreferentzia zehazten laguntzen duten
osagaiak dira determinatzaileak, eta hiru motatakoak izan daitezke:
1) Mugatzaileak (artikulua eta erakusleak)
Umia mendira juan zan.
Ume hori negarrez dago.
2) Zenbatzaileak (zehaztuak, zehaztugabeak eta orokorrak)
Txori bi ekarri dittu.
Txori asko egoten da inguru horretan.
Honek txori guztiok dira guriak.
3) Determinatzaile zehaztugabeak
Edozer gauza esaten dozu zuk.
Zein mendi esaten dozu?
3.2.1. MUGATZAILEAK
3.2.1.1. Artikulua
Deklinabidearen atalean, nominatiboa azaltzean ikusi dugu zer den artikulua.
Izena edo [izen+adjektibo] multzoa mugatzeko balio duen partikula da artikulua,
eta singularra zein plurala izan daiteke. Nominatiboko mugatu singularraren eta
mugatu pluralaren bidez adierazten da: -a markaren bidez singularra eta -ak markaren
bidez plurala.
Ta perretxikua eguan edozein lekutan orduan, ongua ta, sasoian, ezta?
Bidian sagarrak ostu, keixa sasoian keixak ostu… nahiz ta jan ez.
Pluraltasuna ez ezik, hurbiltasuna ere adieraz daiteke artikuluaren bidez, baina
hurbiltasuna adierazteko bide hori pluralean bakarrik da erabilgarri. Plural hurbil
delakoa (-ok) hiztuna nahiz solaskidea edo biak hartzen direnean erabiltzen da.
Eibarko euskaran asko-asko erabiltzen da.
156
Ezaugarri fonetikoak
Eibarko Euskara. Gure hizketaren doinuak eta berbak