Eibarko euskara Gure hizketaren doinu eta berbak Asier

4.1.16.- Ibili eta erabili aditzetan aditz-erroko -l- galdu
egiten da
Ibili eta erabili aditz trinkoetan, aditzaren erroko -l- galdu egiten da askotan.
Kontsonante aurrean beti galtzen da (gabiz, zabiz, darabitt, darabizu...). Hitanoko formetan
ere galdu egiten da (nabik, gabixak, jarabixat...).
Bokal aurrean ere, erabili aditzean galdu egiten da, eta bere lekua loturazko -xbatek
betetzen du: narabixe, darabixe, zerabixen...
Hitz amaieran agertzen denean, ostera, bai gordetzen dugu: nabill, dabill, narabill,
darabill...
4.1.17.- Joan eta eroan aditzetan -i- agertzen da
Fonetika atalean ikusi dugun a+a > ia ezaugarria (alaba + a > alabia), aditz batzuetara
ere zabaldu da. Ondorioz, joan eta eroan aditzetan (juan eta eruan), -i- agertzen da:
noa > noia
doa > doia
gindoazen > goiazen
daroat > daroiat
daroagu > daroiagu
neroan > neroian (‘neraman’)
4.1.18.- *edun-en hitanoan j-dun adizkiak
Mendebaleko ezaugarri orokorrari jarraituz, *edun-en hitanoko adizkietan j-dun
formak ditugu Eibarren ere:
diat > juat92 dik > jok
ditiat > jittuat
Aditz sintagma
92 Euskara estandarrean ez bezala, beraz, Nor-Nork eta Nor-Nori-Nork sailetako hitanoko adizki hauek
ezberdinak dira: juat (‘diat’) eta deuat (‘diat’).
Eibarko Euskara. Gure hizketaren doinuak eta berbak
237