Eibarko euskara Gure hizketaren doinu eta berbak Asier

Hemen ere aipatuko dugu adlatiboa eta jabegoa adierazten dituen -(e)nera forma,
sarri erabiltzen da-eta, ‘norbaiten etxera’ adierazteko (‘etxera’ zentzu zabalean hartuta).
Ez noia ni Maria zapateriaNERA ze neri ez jataz gustatzen ta!
Ta gure kuadrillia TxaltxaNERA juaten giñuazen orduan.
Txakur bat juan da zure alabiaNERA
15) Muga-adlatiboa [NORAINO/NORENGANAINO]
Postposizio-atzizki honen esangura ohikoa lekuzko muga adieraztea da, nahiz eta
bestelako esapideetan ere erabiltzen den. Esangura hori dela-eta, mugimendu-aditzekin
erabiltzen da, batez ere.
a) Bizigabeen deklinabidea (NORAINO)
-(e)(ta)raiño(k) da mugagabeko marka, -(e)raiño(k) singularrekoa eta -etaraiño(k)
pluralekoa. Mugagabean, -ta- aukerakoa da. Adlatiboaren atalean azaldutakoak
honako ere balio du.
Hemen ere aldaerak gerta daitezke -ra- zatia galduz (adlatiboaren atalean azaldutakoaren
arabera). Amaierako /k/ ere aukerakoa da, eta berezia da, inguruko
herrietan ez baita normalean entzuten.
Oro har, Eibarren, lekuzko kasuak (-raiño) eta denborazkoak (-rarte) ondo bereizten
dira, eta hiztunek ez dituzte nahasten. Muga-adlatiboa, hortaz, lekua adierazteko
erabiltzen da, eta oso-oso gutxitan denbora adierazteko.
148
Hamen Eguarbitzatik, Elgetatik ixa Anboto barrenERAIÑO.
Azkenian nere ondoRAIÑO etorri zuan txakurra.
Zan hori zerian, PlaentxiaRAIÑO.
Ezaugarri morfologikoak
Gero zuluak ein ta soltau, konparaziño, zati bat eta gero hur emon ta gero limau
lehenengotik desbastia hur emon bakarrikan, hur emon ta gero, gero, azkenazkenian
dana zentesimaRAIÑO.
Hemeretzi urteRAIÑOK antzerki guztiak euskeraz eitten genduazen.
Eibarko Euskara. Gure hizketaren doinuak eta berbak