Eibarko euskara Gure hizketaren doinu eta berbak Asier

9.1.4.- SINTAXIA
Eibarko euskararen kokagune dialektologikoa
1. Kausazko eta helburuzko perpausetan -t(z)earren dago aukeran: Probatziarren
erosi dot hori.
2. Esaldi kontzesiboetan arren gorde da: etxia erre arren, bertan geldittu dira.
3. Esaldi osagarrietan -(e)na atzizkia erabiltzen da aditz eta predikatu jakin
batzuekin: banekixan egixa zana.
4. Ala eta edo hautakariak bereizten dira.
5. Bi zenbatzailea izenaren eskuinetara ezartzen da (etxe bi, lagun bi...). Gaur
egun galtzen ari da joera hori, eta ezkerretara ere sarri entzuten da.
6. Orobatasuneko zein eta nahiz partikulak erabiltzen dira.
9.1.5.- ALDAERAK ETA LEXIKOA
Aldaeren alorrean, hainbat adibide izango ditugu, Eibarko hizkera mendebaleko
euskalkira hurbiltzen dutenak, besteak beste: ardau, burdi, ete (‘ote’), kipula, suiñ,
hazur, burdiña, gaztai, txarri, barre, keixa, txixa, mamiñ...
Lexikoari dagokionez ere, hainbat adibide sar daitezke multzo honetan. Hona
hemen Eibarren erabiltzen diren eta mendebaleko euskalkiaren ezaugarri diren
berbetako batzuk: martitzen, barixako, berba, marti (‘martxo’), okaran, abade, osatu, zil
(‘zilbor’), ganora, keriza, batu, gatzato, odoloste, jaramon...
Eibarko Euskara. Gure hizketaren doinuak eta berbak 513