Eibarko euskara Gure hizketaren doinu eta berbak Asier

Jatorriz, beharbada, ezberdinak izango dira, bigarrenak lehenengoak baino mugimendu
gehiago adierazten duelako, baina gaur egungo Eibarko euskaran erabat
baliokideak dira forma biak.
Igotzeruzkuan ekarrizu ogixa, bai?
Biharretik urtetzeruzkuan ikusi neban, eta kasorik bez!
Eta permisua eruaterakuan, Timoteo Zubiatek (ha zan representantia) esan
zetsan: “Bai ba, zuek koruan eta profesionalak zarie eta etarako ez dozue premixua?”.
Mendebaleko hizkera gehienetan formarik arruntena -keran da (Zuazo, 1998): etorrikeran,
ikusikeran, apurtukeran, urtekeran, sartukeran... Eibarren, ostera, ezezagunak
dira forma horiek. Beste hizkera batzuetan ondo zabalduta dagoen -t(z)ean (etortzean,
erostean, erabiltzean...) ere ez da arrunta Eibarren.
4.1.39.- Partizipioak atributu gisa
Partizipioak atributu gisa erabiltzeko aukera bakarra dago Eibarren: -ta. Esate baterako:
atarata, ixilduta, sartuta, erositta, jarritta, ipinitta...
Beste euskalki batzuetako -rik eta -ak aukerak (sarturik; sartuak; egonik, egonak; eta abar)
ezezagunak dira Eibarren, salbuespen bakanen bat salbu (esate baterako, pentsaurik).
Ondorioz, apurturiko bezalako formak ere arrotzak dira Eibarren, eta -tako atzizkiarekin
eratzen dira tankera horretako erlatiboak: sartutako, apurtutako, etorrittako,
hartutako... (eta ez sarturiko, apurturiko, etorririko, harturiko...). (Azalpen gehiago
Sintaxiaren atalean; ikus 5.3.2. eta 5.3.6. puntuak).
4.1.40.- -gi motako aditzak
Euskaraz ezaguna da zenbait aditz sortzeko bi atzizki daudela, euskalkiaren arabera:
-ki eta -gi. Eibarren, mendebal osoan moduan, bigarren taldekoak erabiltzen
ditugu 102 : eregi, esegi, ebagi, erabagi...
254
Aditz sintagma
102 Bizkaiko beste herri batzuetan erabiltzen den jagi, ostera jaiki da beti Eibarren. Aramaion ere egogi eta
jagi jaso ditu Ormaetxeak (2003). Eibarren ez dira erabiltzen.
Eibarko Euskara. Gure hizketaren doinuak eta berbak