Eibarko euskara Gure hizketaren doinu eta berbak Asier

Noiz arte
Ta, pentseizu, frailliak etorri arte, hau morduak […] ez daki, zelan
Bidebarrixetakuak juaten giñan kuarteleko eskolara, Jardiñekuak-eta beste
eskola batera, hamenguak Frontoi Zaharrera, bestiak…
Etxatak [ez jatak] etortzen ta kapaz nok gaur gabian, pentsatzen jartzen
banok… ez nau luak hartuko ha etorri arte, e!
Holan noia, harik eta ahal doten arte.
Ba, Agiñagan ez zan egon eskolarik nik zortzi urte nittuen arte, ta zortzi urtekin
ein zan eskola bat.
Ointxe-ointxe azkeneko urtietan zertu da baiña ointxe gitxi dan arte, danak ez
baiña bastante bai!
Harek amaittu arte, iñok ezin jokatu han.
5.3.5.3. Maiztasuna adierazten duten menderagailuak
Zenbaitetan, menderagailuek ekintza baten maiztasuna, hau da, ‘zenbat aldiz’ gertatzen
den adierazten dute. Tankera honetakoak dira, esate baterako: -en bakotxian,
-en guztian edo -(e)netan.
Juaten nitzan guztian harrapatzen neban katarrua!
Harek be etortzen ziran bakotxian eruaten eben urria hara.
Etortzen diranetan beti ekartzen dabe zeoze.
5.3.6.- MODU-PERPAUSAK
Modu-perpausek nola galderari erantzuten diote eta, beraz, modua adierazten dute.
Era ezberdinez gauza daitezke modu-perpausak, esaterako, -n moduan sintagmarekin.
Horien adibideak konparazioen atalean (5.3.3. atalean) ikusi ditugunez, beste
batzuei emango diegu lehentasuna honako honetan, aukera ugari baitago:
-ta/-da
Sintaxia
Hauxe da modua adierazteko era arruntenetako bat. Beste hainbat ingurutan ez
bezala, Eibarren ez da -rik menderagailua erabiltzen.
Eibarko Euskara. Gure hizketaren doinuak eta berbak
345