Estrategiak euskararen ikaskuntzan eta irakaskuntzan

Orain artekoa, zenbait ikerlarik egindako sailkapen bat besterik ez da, baina
behatze teknika hauek zer diren eta nola erabili izan diren esatea
konplexuagoa da, horregatik, lan honetan ez da horren gaineko
informaziorik eman, lanaren helburua ez baita teknika horiei buruzko
informazioa biltzea. Norbait definizio eta erabileran interesaturik egongo
balitz, aurreko lerroetan tarteka aipatutako bibliografia begiratzea besterik
ez du.
2.2.2.1. Lan honetarako behaketa metodoa: galdetegia
Lan honetarako galdetegia aukeratu da behaketa teknikatzat eta galdetegiez
gauza asko idatzi diren arren, gutxi izan diren R. Oxford-ek bezain
definizio zehatza eman dutenak:
«Self- report surveys are instruments used to gather systematic, written data
on language learning strategy use. These surveys can vary from less
structured to more estructured.» (1990: 198).
D. Nunan ere horretan saiatu zen arren, ez zuen lortu zehaztasun handiko
definizio bat ematerik:
«Procedures with the highest degree of structure are questionnaires and
rating scales, which may determine not only the type of strategy but also the
type of task and the setting where the strategy is used.» (1992: 143).
Beraz, galdetegiek batik bat ikasleak erabiltzen dituen estrategien berri
ematen digute. Bi motatakoak izan daitezke: galdera itxidunak eta
irekidunak (R. Oxford, 1990; D. Nunan, 1992). Lehenengoek aukera
ematen dute ikasleak esan nahi duena eta nola esan nahi duen erabakitzeko.
Bigarrenek, ez dute ezaugarrri hori eta galderen erantzunak ikerlariak
kontrolatzen ditu (D. Nunan, 1992: 143). R. Oxford-ek lehenengo tipokoei
gutxiago egituratutako inkestak edo inkesta subjetiboak deitzen die.
Bigarrenei, berriz, gehiago egituratutako inkestak edo inkesta objektiboak
115
(1990: 199). Aipatutako bi moten artean, ikusi berri den lez, badaude