Estrategiak euskararen ikaskuntzan eta irakaskuntzan

298
4.1.1.2.2. B ataza: «Golokari elkarrizketa»
Ataza honen helburu nagusia Goloka taldeari egindako elkarrizketa
entzutea eta antzekoak sortzea da, baina ataza honek baditu beste helburu
hauek ere:
«Entzungo dutenaren gaineko aurreikuspenak egitea.
Entzundako informazio zehatza jasotzea.
Galdegaia lantzea.
Antzeko elkarrizketak sortzea.» (Irakaslearen liburua: 10).
Ataza honetan ikasleak helburu horiek lortzeko prozesu hau jarraitu
beharko du:
Ikasleei txotxongilo biren irudia emango zaie eta zer diren galdetuko
zaie, beraiez dakitena esateko eskatuko zaie.
Elkarrizketa entzun baino lehen Golokakoen lanaz galdetzen duten
galderak erantzuteko eskatuko zaie.
Golokakoei egindako elkarrizketa entzungo dute eta galderak
erantzuten saiatuko dira (lehen emandako galderak dira). Horrela,
aurreikusitakoa egiaztatuko dute.
Erantzunak taldean zuzenduko dira.
Entzundako testua zati batzuk ezabatuta emango zaie aukeran
dituzten esaldiekin betetzeko.
4.1.1.2.3. C ataza: «Nola egiten dira panpinak?»
Ataza honen helburu nagusia panpinak egiten ikastea da, baina ataza honen
egileek helburu nagusi honen ondoan jartzen dituzte lortu nahi dituzten hiru
helburu hauek ere:
«Irakurri aurretiko hipotesiak egitea.
Zerbait egiteko prozesuaren azalpena egitea.
Denbora adierazteko hizkuntza formak lantzea.» (Irakaslearen liburua: 12).
Helburu horiek lortzeko, ikasleak ataza honetan ondorengo lerrootan
adierazten den prozesua jarraitu beharko du.