Estrategiak euskararen ikaskuntzan eta irakaskuntzan

328
4.1.3.5. Euskal balea unitate didaktikoa
Unitate honen egileek irakasleentzako oharretan ez dute ikas-estrategien
lanketari buruz ezer esaten, baina B1 atazaren helburuetako bat hauxe da:
«Hitz edo kontzeptu ezezagunek komunikazioa eragozten dutenean, aurrera
jarraitzeko erabiltzen diren estrategia eta baliabideak aurkeztea eta
praktikatzea (birformulatzen eta argibideak ematen trebatzea).»
(Irakaslearen liburua: 12).
Adierazitako atazaren barnean dagoen B2 atazaren helburua ulermenari
zuzendua dago eta ikas-estrategiei buruz ezer aipatzen ez bada ere, ataza
honen helburuetako bat hauxe da:
«Elkarren laguntzaz ulermen-arazoak konpontzea.» (Irakaslearen liburua:
14).
Horrenbestez, unitate honetako B ataza honetan datza:
4.1.3.5.1. B ataza: «Informazioa biltzen»
B ataza hau hiru azpiatazez osatua dago:
B.1. Ataza: «Euskal Balea ezagutzen.»
B.2. Ataza: «Euskaldunak balearen arrantzan, hainbat jakingarri.»
B.3. Ataza: «Arrantzako teknika.»
Lan honetan lehenengo ataza biak landuko dira horietan bietan egiten baita
ikas-estrategien lanketa.
4.1.3.5.1.1. B1 Ataza: «Euskal Balea ezagutzen»
Esan bezala, azpiataza honen helburu nagusia, besteak beste,
komunikazioan aurrera jarraitzeko estrategiak lantzea da. Horretarako ataza
honetan jarraitu beharreko urratsak hauexek ditugu:
Ikasgelan ikasleen bost talde egingo dira eta talde bakoitzak Elhuyar
aldizkariko artikulu baten zati bat landuko du modu honetan:
1. Testu zatiari izenburua ipiniko diote.