Estrategiak euskararen ikaskuntzan eta irakaskuntzan

Goiko mailetan zeuden ikasleek beheko mailetan zeudenek baino
ikas-estrategia gehiago erabiltzen zituzten.
3.2.2. R.L. Politzer-en lana
«An Exploratory Study of Self Reported Language Learning Behaviors and
their Relation to Achievement» izeneko artikuluan 1982ko urteko
udaberrian frantsesa, alemana eta espainola ikasten ari ziren 90 ikasleri
egindako ikerketa baten berri ematen du.
R.L. Politzer-ek ikas-estrategiei behavior deitu zien. Beste lan batzuetan
ikasle onei egozten zaizkien behavior horiek bildu eta galdetegi bat
prestatu zuen ikasleek erantzuteko.
R.L. Politzer-en esanetan egin zuen aurkikuntzarik handiena hauxe izan
zen: badago lotura ikasleen behavior izenekoen eta lorpenen artean. Dena
dela R.L. Politzer-ek esan zuen lotura horretan zerikusia izan zezaketela
mailak eta metodologiak.
R.L. Politzer-ek behavior deitzen dituen horiek kontuan hartuta, ikasleek
gehien egiten zituzten behavior-ak hauexek ziren:
Ez ziren hitzak bilatzen hasten parrafoa irakurri aurretik, lehenengo
parrafoak orokorrean esan nahi zuena jakiten ahalegintzen ziren.
Hiztegiko hitzen adibideetan agertzen ziren adibideak irakurtzen
zituzten.
Hitzez hitzeko itzulpenik ez egiten ahalegintzen ziren.
Gehienek hitzak errepikatuz irakurtzea eta bigarren hizkuntzan bere
buruari hitz egitea bezalako behavior-ak ere aipatzen zituzten.
Batzuetan egiten zituzten behavior-ak hauek ziren:
Erlazioa zuten hitzak hiztegian bilatzea.
Hitzak taldekatzea buruan hobeto sartzeko.
Aparteko lanak egitea.
261