Estrategiak euskararen ikaskuntzan eta irakaskuntzan

310
«Nik ere bai» elkarrizketaren antzeko testua sortu. Horretarako bi
pausu jarraitu behar dira:
4.1.2.1.2. F ataza
1. Ikaskidea elkarrizketatu.
2. Ikaskideak emandako erantzunak idatziz jaso.
4.1.2.1.2.1. F ataza: «Ikasle bikaina»
Ikasle bikainek erabiltzen dituzten ikas-estrategiak identifikatu behar
dituzte. Horretarako, ikasleek bideo-pasarte bat ikusiko dute eta hurrengo
pausu hauek jarraitu behar izango dituzte:
Bideo-pasartean ikasle batzuen ezaugarrien berri emango da,
bitartean, ikasleek bideo-pasartean agertzen den Anttonen ikasleen
fitxak dituzte esku artean. Ikasleek Anttonen ikasleen fitxak esku
artean edukita, bideo-pasartean Antton zein ikasleri buruz hitz egiten
ari den esan beharko dute.
Ikasleak hirunaka jarrita galdera hauek komentatu behar dituzte:
«Inoiz egin al duzu gogoetarik zure euskara ikasteko eraz?
Zure ustez, zeintzuk dira euskara-ikasle onaren ezaugarriak? Hau da, zer
egiten du hizkuntza ikasteko?» (Ikaslearen liburua: 15).
Ikasleei ikas-estrategien zerrenda hau emango zaie:
«Hipotesiak eginez gauza asko ikasten dugu.
Aurretik dakiguna erabiliz ikasi behar dugu.
Buruan gordetzeko trukotxoak erabiliz errazago ikasten dugu.
Errakuntzak eginez ere ikasten da.
Hizkuntzak erabiltzeko aukera guztiak aprobetxatuz ere ikasten dugu.
Nork bere ikasbidea aurkitu behar du.» (Ikaslearen liburua: 15).
Bideo-pasarte bat ikusi behar dute eta aurreko baieztapenak
sekuentziekin lotu behar dituzte.
Ariketa egin ostean elkarrekin komentatu behar dute.