Estrategiak euskararen ikaskuntzan eta irakaskuntzan

2.3.1.1.4. Ikasketak
Edozein ikerketa estatistikotan ohikoa da aldagai hau agertzea; izan ere,
askotan uste baino eragin handiagoa izaten du. M. Zalbidek,
www.erabili.com web gunean «Ahuldutako Hizkuntzen Indarberritzea:
teoriak zer dio?» artikuluan soziolinguistikaren terminologia zailtzat jotzen
du, baina hizkuntzalaritzaren terminologiaz honako hau esaten du:
«Erdi- eta goi-mailako ikasketak egin dituen pertsonak, nahiz ez izan
hizkuntzalaria, ondo samar menderatzen du linguistikaren oinarri-
-oinarrizko terminologia: aditza eta deklinabide-atzizkia, a organikoa eta
galdegaia zer den badaki, neurri batean behintzat. Bere bagaje kulturalaren
zati dira hitz horiek, eta horien pareko beste hamaika. Eskolan (edo
alfabetatzerakoan) aski zehatz erakutsi zaizkio, eta erabili ere egiten ditu
aldian behin. Soziolinguistikazko kontzeptuekin eta izendapenekin ez da
ordea, zoritxarrez, halakorik gertatzen.» (2003).
M. Zalbidek goi eta erdi-mailako ikasketadunek hizkuntzalaritzako
terminologia oinarrizkoa ezagutzen dutela ere aipatu du. Alde batera uzten
133
ditu, ordea, behe mailako ikasketadunak. Horrenbestez, ideia honetatik