Estrategiak euskararen ikaskuntzan eta irakaskuntzan

Ikasleei grabazioan Lukas txakurraren istorioa entzungo dutela
303
esango zaie. Entzun aurretiko istorioa irakurriko dute eta idatzizko
testuan zein datu faltsu dauden galdetuko zaie.
Ikasleek Lukas txakurraren istorioa entzungo dute, eta idatzizko
testuan agertzen diren datu faltsuak beraiek aurreikusitakoarekin bat
datozen adierazi beharko dute.
Datu hauez baliatuta ikasleek Lukasen istorioa idatzi beharko dute.
4.1.1.4.3. 4. ataza: «Elkarren antzik ba ote?»
Ataza honetan helburu hauek zehazten dira:
«Lehiaketa bateko erantzunak irakurri eta ulertzea.
Eraikitako hipotesiak elkarri ahoz azaltzea.
Usteak eta horiek izateko arrazoiak idatziz azaltzea.» (Irakaslearen liburua:
15).
Helburu horiek lortzeko, hauxe da bai irakasleek bai ikasleek egin
beharrekoa:
Txakurren argazkiak eman ondoren, zein arrazatakoak diren esan
beharko dute. Argazki batzuen azpian badago ipinita baina beste
batzuen azpian ez, beraz, hutsune horiek betetzeko fitxa bana
emango zaizkie. Dena dela, ikasle guztiek ez dituzte arraza bereko
txakurrak izango eta A eta B taldeetan banatuko ditugu.
A argazkia dutenak B argazkia dutenekin elkartu eta ondo aukeratu
duten adierazi beharko dute. Gero, irakasleak bi txakurren argazkiak
emango dizkie.
Irakasleak ikasleei beste lau txakurren argazkiak emango dizkie eta
ikasleek txakur horien ugazaba (irakasleak emango ditu argazkiak)
zein den asmatu beharko dute.
Launaka jarrita ikasleek erabakitakoa elkarri azaldu beharko diote.