Estrategiak euskararen ikaskuntzan eta irakaskuntzan

ea ikas-estrategiak eskoletan lantzen dituzten ikusi eta ateratako ondorioak
behatu ondoren, laugarren helburu bat lortu nahi izan da: irakasleek
eskoletan ikas-estrategiak lantzeko orduan erabil dezaketen materialen
bilketa egitea. Horretarako, hizkuntzen irakaskuntzarako egindako
materialak arakatuz, ikas-estrategiak lantzeko erabiltzen diren ariketak
bildu dira. Horregatik, helduen euskalduntzerako oinarrizko kurrikuluan
eskolan ikas-estrategien lanketa bultzatzen dela jakinik, besteak beste,
HABEk argitaratutako unitateak bahetu eta ikas-estrategien
irakaskuntzarako baliagarriak izan daitezkeenak batu dira.
Lan honetan aurrera eraman nahi izan diren hiru helburuak aipatu berri
dira, eta norbaitek pentsa dezake lan honen azken helburu orokorra ikas-
-estrategien irakaskuntza bultzatzea dela. Egia da, ikas-estrategien
irakaskuntza mesedegarria dela esan dutenak egon arren, (R. Oxford, 1990;
J. Morley, 1993; A. Chamot & M. O´Malley, 1994), beste ikertzaile
batzuek ikas-estrategiei eurei baino erabiltzeko moduari garrantzi gehiago
eman diotela. S.H. Macdonough-ek adibidez, ikas-estrategiak naturaz ez
dutela zertan onak izan aipatzen du eta garrantzitsuena ikas-estrategiak
ondo erabiltzea dela dio. (1995: 81).
Dena dela, C. Chaudron-en arabera, asko dago eremu honetan ikertzeko:
«There is a need for more controlled research on classroom learning
strategies, especially in the form of experimental training of learners to
employ selected strategies, in order to determine learning effects.» (1998:
116).
R. Ellis-ek ildo beretik, ikas-estrategiak eskolan irakastea erakargarria dela
aipatzen du, ikasleak autonomo bihurtzeko bide bat delako baina bere ustez
arazo bat dago, ez dakigula zein estrategia eta zein estrategia-konbinazio
den egokiena bigarren hizkuntza ikasteko. (1997: 87).
Beraz, lan honetan, bidea ireki nahi izan da, ikasle eta irakasle kopuru bat
hartuta, ikas-estrategien inguruko errealitatearen azterketatik abiatuz arlo
11