Estrategiak euskararen ikaskuntzan eta irakaskuntzan

294
bideratuago baitaude. Dena dela, horietako batzuk jaso dira euskalduntze-
-prozesuaren goi-mailetan batez ere mota horretako materialak erabiltzen
dira eta. Lan honetan A. Chamot-ek eta M. O´Malley-k euren lanean egiten
duten bezala, ordena hau jarraitu da: lortu beharreko helburuak, hizkuntza
aldetik lortu beharreko helburuak, zein ikas-estrategia ikasi, materialak,
prozesua eta balorazioa.
R. Oxford da guztietan zehatzena, hain justu ere, berak ematen baititu ikas-
-estrategiak lantzeko ariketa espezifikoak. Gainera, ariketa bakoitzean
pausuz pausu zehazten ditu jarraitu beharreko urratsak.
Lan honetan aipatutako A. Chamot-en eta M. O´Malley-ren nahiz R.
Oxford-en materiala aurkeztean ataza edota ariketa bakoitza zein
orrialdetan agertzen den zehaztu da. Hau da, atazaren edo ariketaren
izenaren ondoan orrialdeak parentesi artean jarri dira. HABEtik bildutako
materialean, ordea, jatorrizko materialak duen taxuagatik ez da egin
zehaztapen hau.
Bukatzeko, lan honetan ikas-estrategiak lantzeko egin diren ariketak bildu
badira ere, irakurleak bildutako ariketez zehaztasun gehiago (irakurmenak,
entzumenak...) nahi izango balu, jatorrizko materiala begiratzea
gomendatzen da.
4.1. Euskararen irakaskuntzakoak
Euskararen irakaskuntzan egin zen Helduen Euskalduntzearen Oinarrizko
Kurrikuluak ordura arte zegoen irakasteko moduaren aldaketa eskatzen
zuen eta horregatik HABEk ikasmaterial berri bat egin zuen, ikasmaterial
honen helburua irakasleei, euren materiala antolatzeko orduan, bidea
erakustea izan zen. Horrela bada, HABEk Helduen Euskalduntzearen
Oinarrizko Kurrikuluak euskararen ikaskuntzan proposatzen dituen maila
bakoitzerako unitate didaktikoak egin zituen. Lehenengo mailarako