Estrategiak euskararen ikaskuntzan eta irakaskuntzan

4.1.2.4. Euskaldun fobiadun unitate didaktikoa
Unitate didaktiko honen egileek ikas-estrategiei buruz hauxe adierazten
dute:
«Ikasleek bi ikas-estrategia mota ezberdin landuko dute ikastunitate
honetako E atazan. Alde batetik, ikus-entzundako bideo pasartea hitz gakoen
bidez laburbiltzeko eskatuko zaie. Eta, bestetik, testuak hobeto ulertu eta
laburbiltzeko mapa semantikoak izan dezakeen balioa egiaztatzeko aukera
ere izango dute.» (Irakaslearen liburua: 6).
4.1.2.4.1. E ataza: «Dena arriskatzen duten gizon emakumeak»
Egileen hitzetan ataza honen helburuak hauexek dira:
«Ikus-entzundako testua hitz gakoen bidez laburbiltzea.
Hitz gakoei esker, pasarte baten atal nagusiak berreraikitzea elkarreraginean.
Mapa semantikoa erabiltzea testuak hobeto ulertu eta laburbiltzeko.»
(Irakaslearen liburua: 17).
Horretarako pausu hauek jarraituko dituzte:
Lanbide zerrenda bat emango zaie (abokatua, sendagilea,
315
kamioizalea, arotza, kazetaria, igeltseroa, irakaslea, okina, aktorea,
Mc Donalds-eko langilea, eta administraria) eta arriskutsuenetatik
arriskurik gutxien dutenetara ordenatuko dituzte.
Lanbideak komentatzerakoan konparaketak erabil ditzakete.
Bideo-pasarte bat jarriko zaie orokorrean uler dezaten eta gaia zein
den galdetuko zaie.
Bideo-pasartea berriro ikusiko dute eta bertako informazioa hiru
irizpide hauen arabera laburbilduko dute: lanarekiko jarrera
psikologikoa, lan hori egiteko gaitasuna, laneko gertaera tamalgarria.
Ikasleek jasotako informazioa elkarren artean komentatuko dute.
Azkenik, egindakoa zuzendu egingo da.
HABE aldizkariko artikulu baten mapa semantikoan oinarrituta
artikuluaren informazioa zein izan daitekeen aurresan beharko dute.
Artikulua irakurriko dute eta mapa semantikoa osatzen saiatuko dira.