Estrategiak euskararen ikaskuntzan eta irakaskuntzan

385
erabili duen esango du, gero estrategia horietatik erabilgarrienak
markatuko ditu.
Azkenik, eskolan landutakoa gogoratzeko bide batzuk azalduko
zaizkie. Adibidez, irakasleak bere hitzetan berrikuspen
estrukturalaren balioa azalduko die.
4.2.2.7. Taldekatzea eta izendatzea. (101-103)
Ariketa honen bidez ikasleak hiztegia ikasteko taldekatzearen eta
izendatzearen garrantziaz ohartuko dira.
Ikasleek behar duten materiala hitz-zerrenda bat da.
Ariketa hau 20-30 minututan egin behar da.
Nola egin: taldekatzeak informazioa gogoratzen laguntzen duela
esango zaie ikasleei. Egindako taldeei izenburua jartzea, izendapenak
egiteko orduan, lagungarria izan daitekeela ere esango zaie ikasleei.
Azkenik, bi teknika hauek informazioa murrizten laguntzen dutela
gogoraraziko zaie ikasleei.
Guzti hori esan ondoren, ikasleei minutu batzuetan irakurtzen utzi
eta, A hitz-zerrenda memorizatzen ahalegintzeko esango zaie.
Zerrenda kenduta, ikasleak gogoratzen dituzten ahalik eta hitz gehien
idazten saiatuko dira. Gero gogoratu dituzten hitzak zenbatuko
dituzte.
Ariketarekin jarraituz, ikasleei B hitz-zerrenda (hitzak taldekatuta eta
talde bakoitzak izenburua duela) memorizatzeko eskatuko zaie.
Azken zerrenda hau ezkutatuta, ikasleei gogoratzen dituzten hitzak
idazteko eskatuko zaie. Gero zenbat hitz gogoratu dituzten
kontatzeko eskatuko zaie. Normalena da ikasleek A zerrendan baino
hitz gehiago gogoratzea; izan ere, informazioa sailkatuta dago eta
horregatik gogoratzen da errazago.