Estrategiak euskararen ikaskuntzan eta irakaskuntzan

314
ulertzea. Helburu hori lortzeko, hurrengo pausu hauetan zehazten da
ikasleak egin beharrekoa:
Ezagutzen dituzten telesailen gainean hitz egin.
ETBko Hamaika korapilo telesaioko irudi bat emango zaie eta
kazetarien lana eginez irudian agertzen diren pertsonaiei ea zein
galdera egingo lizkiekeen galdetuko zaie.
Bideoa ikusiko dute. Baliteke ikasleek egindako galderek bideoa
ikusi ondoren erantzuna izatea.
Tertulian erantzunik gabeko galderez arituko dira.
4.1.2.2.4. C ataza: «Olatz modelo ederra»
Irakaslearen liburuan material osagarri gisa (33-34) agertzen den ataza
honen helburua izenburuetatik abiatuta aurreikuspenak egitea da.
Horretarako ikasleek puntu hauek jarraitu behar dituzte:
Irakasleak «Anorexia, nerabeen gaitza» izeneko artikulua banatu
ondoren, ikasleek aurreikuspenak egingo dituzte: zein motatako
hiztegia agertzen den, azalduko diren ideiak zeintzuk izango diren...
Testua irakurri bitartean aurreikusitakoa egiaztatuko dute.
Irakurri ondoren aurreikuspenak baloratuko dira (ea asmatu diren ala
ez).
Azkenik, horrelako ariketak etxean egiten dituzten (aurreikuspenak)
eta horretarako egokiak diren aldizkariak, egunkariak… ezagutzen
dituzten galdetuko zaie (ezagutu ezean, irakasleak lagundu beharko
die).
4.1.2.3 Han ere txakurrak oinutsik unitate didaktikoa
Egileek material osagarrietan irakurketa xeheari buruzko gogoeta
bideratzen dute: zein irakurketa mota den, zertarako balio duen eta noiz
erabiltzen den.