Estrategiak euskararen ikaskuntzan eta irakaskuntzan

394
Fitxa bakoitzaren atzeko aldean irudiarekin zerikusia duen hiztegia
idatzi behar da. Hori guztia lortu ondoren, jokoa honetan oinarritzen
da:
Istorioa egin. Ikasleak lauko taldeetan banatuko dira. Bakoitzak 3-4 irudi
hartuko ditu istorioa egiteko. Talde bakoitzeko lehenengo ikasleak irudia
mahai gainean utziko du eta irudi horri buruzko esaldi bat idatziko du.
Bigarren ikasleak bigarren irudi bat aukeratuko du eta lehenengoaren
ondoren ipiniko du eta irudian agertzen denaren gaineko esaldia egingo du,
aurrekoak esan duenarekin lotura izango du. Hirugarren pertsonak gauza
bera eginez istorioari jarraipena emango dio. Ikasleek ezin dute istorioa
idatzi, irudien bidez gogoratu baizik. Irakasleak taldeetako partaide
bakoitzari zenbaki bat emango dio, batetik laurako zenbakia, hain zuzen.
Irakasleak taldeko kideei istorioa birpasatzeko esango die, gero beste
taldekoei kontatu ahal izateko.
Istorioak kontatzen. 1 zenbakidunak dauden tokian geldituko dira eta 2, 3
eta 4 zenbakidunak taldez aldatuko dira. Beraz, 1 zenbakidunek 2, 3 eta 4
zenbakia dutenei istorioa kontatuko die.
Istorioak birkontatzen. Lehen egin den bezala, 2 zenbakidunak dauden
taldean gelditu eta besteak taldez aldatuko dira. 2 zenbakidunek gainerako
taldekide berriei entzundako istorioa berriro kontatuko die.
Istorioak birkontatzen. Oraingoan 3 zenbakia duen ikaslea dagoen tokian
geldituko da eta besteak taldez aldatuko dira.
Jatorrizkoa neurtzen. 1, 2 eta 3 zenbakidunak dagokien taldeetara itzuliko
dira. 4 zenbakiduna izan da entzundakoa kontatu ez duen bakarra,
horregatik, bere taldekoei kontakizuna kontatuko die. Hainbat aldiz istorio
bera kontatzeak kontakizuna nola alda dezakeen eztabaidatuko dute
taldeetan.