Create successful ePaper yourself
Turn your PDF publications into a flip-book with our unique Google optimized e-Paper software.
alprenis la plej racian rimedon. Li malsuprenkuris kaj telefone vokis la privatan kuraciston de<br />
Hanyan. Dumtempe Peiwen kuŝigis ŝin sur la liton kaj maltrankvile skuadis ŝin. Por konsciigi ŝin,<br />
li penis premi ŝian filtrumon kaj metis malvarman viŝtukon sur ŝia frunton, senĉese kriante,<br />
“Vekiĝu, Hanyan! Vekiĝu, Hanyan! Hanyan, mia kara, vekiĝu! Hanyan! Hanyan!” Li kisis ŝiajn<br />
vangojn, frunton kaj glaciajn lipojn, sed ŝi ne reagis. Ŝia vizaĝeto pli blankiĝis ol la blanka papero,<br />
kaj du vicoj de ŝiaj gagatnigraj okulharoj kliniĝis senforte, lasante du arkformajn ombretojn sur<br />
ŝiaj palpebroj.<br />
La kuracisto alvenis. Post kiam li okupiĝis pri injektado, preventado de aborto kaj<br />
diagnozado, li diris serioze, “Pli bone ne ekscitu ŝin kaj multe ripozigu ŝin, alie la feto abortiĝos.”<br />
Post lia foriro, Peiwen ankoraŭ restis ĉe Hanyan. La maljuna sinjorino venis por nura<br />
ekrigardo kaj foriris, konsiderante, ke ŝia sveno estas blufa afektado. Pro tio ŝi duobligis sian<br />
abomenon al ŝi. Kiel ruzema virineto! Evidente ŝi refoje fascinas Peiwen-on.<br />
Post longa tempo, Hanyan rekonsciiĝis kaj malrapide malfermis siajn okulojn. Dummomente<br />
ŝi sentis malklarecon en la kapo kaj ŝajnis ne rememori, kio okazis. Rigardante ŝin kun profunda<br />
sento, li kompateme karesis ŝiajn vizaĝon, harojn kaj ostecajn manojn. Kun larmoj en la okuloj, li<br />
mallaŭte vokis, “Hanyan!”<br />
Ekrigardinte lin, ŝi rememoris, kio okazis, kaj turnis sian dorson al li. Enŝovinte sian kapon<br />
en kapkusenon, ŝi diris nenion. La sensona protesto dolore pikis lin. Li pririgardis ŝiajn dorson kaj<br />
malgrasajn ŝultrojn. Ŝi ĉiam estas tiom milda kaj obeema, sed kial ŝi fariĝas tiel flegma nun? Li<br />
pensis kun disŝirita koro. Poste li etendis sian manon por malpeze palpi ŝiajn harojn kaj mallaŭte<br />
diris, “Ne koleru kontraŭ mi, Hanyan. Ankaŭ mi ne havas alian rimedon! Mi scias, ke ne facilas<br />
teni bonan rilaton inter bopatrino kaj bofilino. Sed ni estas de pli juna generacio, ĉu ne?”<br />
Ŝi daŭre silentis, senmove kuŝante tie. En lia koro la doloro pligrandiĝis. Li malklare sentis,<br />
ke ŝi malproksimiĝas de li. Li ne povis rekoni, kion ŝi pripensas, nek eniri ŝian regnon. La<br />
distanco inter ili pli kaj pli grandiĝis. Kial? Li pripensis kun interna doloro. Ĉu... ĉu... vere pro<br />
Gao Lide? Li pensis, kiel Gao, kun pala vizaĝo, enkuris la salonon por telefone venigi la<br />
kuraciston, kiam ŝi svenis, kaj kiel li malpacience ĉirkaŭrigardis kaj atendis ĉe lapordo...Liakoro<br />
fridiĝis. Liaj fingroj haltis rigide sur ŝiaj haroj. Tiamaniere li ŝtoniĝante sidis tie dum longa tempo.<br />
Poste li stariĝis kaj eliris el la ĉambro silente. Vidinte lin eliri, ŝi ankoraŭ senmove kuŝis kun kapo<br />
surlakapkusenomalsekigitadesiajlarmoj.Sedenŝia koro troviĝis fendeto, el kiu malrapide<br />
gutis sango.<br />
Dum Peiwen malsupreniris laŭ la ŝtuparo, Gao estis leganta ĵurnalon. Ekvidinte lin, tiu<br />
remetis la ĵurnalon kaj zorgoplene demandis, “Kiel? Ĉu ŝi jam rekonsciiĝis?”<br />
Peiwen strabe ekrigardis lin. Vi vere montras zorgon al ŝi! Li pensis. Li iris verŝi tason da teo.<br />
Kun la taso en la mano, li rigardis Gao-on kaj malrapide diris, “Jes, ŝirekonsciiĝis.”<br />
Gao fikse rigardis lin. “Peiwen,” li ne povis reteni sian parolon, “traktu ŝin pli bone. Vi ofte<br />
forestas en la hejmo. Ŝi ne havas bonan tempon!”<br />
La rigardo de Peiwen rekte falis sur lian vizaĝon. “Kion vi volas diri?” li demandis morne.<br />
“Mi pensas...” Gao diris enpenseme, “via patrino ne tre ŝatas ŝin.”<br />
Ho, ĉu vi jam scias pri tio? Peiwen fikse rigardis lin. La kaŭzo estas, ke vi semas malpacon!<br />
Kian rolon vi volas ludi en nia familio? Li demetis la tason kaj malrapide diris, skandante ĉiun<br />
vorton, “Mi volas doni averton al vi, Lide! Poste, bonvole metu vian zorgon sur te-plantejojn, sed<br />
ne intervenu en miaj familiaj aferoj!”<br />
Ĉe tio Gao eksaltis kaj kolere rigardis Peiwen-on. Tamen tiu forlasis lin kaj supreniris laŭ la<br />
- 123 -