Create successful ePaper yourself
Turn your PDF publications into a flip-book with our unique Google optimized e-Paper software.
dentrado de mia penso rapide turniĝadis. Mi eĉ sukcesis transpasi la ponton. Ĉu tio estas la volo<br />
de Dio? Kiu povus aserti, ke ne ekzistas la plej alta potenco en ĉi tiu vaste senlima universo? Mi<br />
levis mian vizaĝon al la ĉielo kaj la pluveroj frapis ĝin pike malvarme. Sekve de tio mi tuj sentis,<br />
ke mia vidkampo klare larĝiĝas kaj ĉiuj miaj ĝenoj foriĝis, kaj nova mi, tute nova mi<br />
transmutaciiĝis! Mi jam transpasis tiun ponton de morto, kaj pro tio mi jam reenkarniĝis, forĵetinte<br />
ĉiujn miajn antaŭajn haŭton kaj ostojn. Nun mi ne plu estas tiu malforta kaj obeema Zhang<br />
Hanyan, kiu ĉiam subiĝis al la sorto! Aŭskultante muĝadon de la rapide torenta rivero, mi diris al<br />
la fluoj, kun pugnita mano, ‘Zhang Hanyan, Zhang Hanyan! De nun vi jam formortis pro dronado.<br />
Vi mortis sub ĉi tiu ponto! Kaj mi? Mi estas alia homo! Mi volas bone vivi plu kaj krei alian<br />
mondon por mi mem!’ Mi turnis min kaj grandpaŝe marŝis en la direkto al Tajpeo.”<br />
Haltinte ĉe tio, ŝi malpeze eligis longan spiron. Bai sidis senmove. Longa peco de cigareda<br />
cindro falis sur lian veston, ĉar li jam forgesis suĉi la cigaredon. Tiam, levinte sian kapon kun la<br />
vizaĝo direktita supren, li stulte gapis kun vitrecaj okuloj. Tamen sur lia tuta vizaĝo brilis radioj de<br />
dankemo kaj pieco.<br />
“Post du horoj, mi atingis Tajpeon. Kiel sola virino, mi ne kuraĝis iri al la hotelo. Tiam tagiĝo<br />
ne malproksimiĝis. Mi iris al la fervojostacio kaj atendis en atendejo ĝis la mateno. Tiam mi trovis<br />
min tre feliĉa, ĉar en la mansako, kiun mi kunportis, troviĝis kontanta mono de pli ol mil dolaroj<br />
kaj mia identigilo. Do, iom post la oka horo, mi veturis per la unua frua trajno suden ĝis la urbo<br />
Gaoxiong. Tiam mi ne intencis fari ion tie, kaj mi nur konsideris, ke pli bone estas por mi vojaĝi<br />
pli foren por ne esti trovita de vi. Mi esperis, ke vi ĉiuj opinios min droninta en la rivero, ĉar mi ne<br />
plu volis reveni al la bieno. La unua afero, kiun mi faris, post kiam mi atingis Gaoxiong-on, estis<br />
aĉeti kompleton da novaj vestoj kaj mi ekloĝis en malgranda hotelo, kie mi bone banis min kaj<br />
dormis longan dormon. Kiam mi vekiĝis, mi denove pesis mian situacion. Pli ol milo da dolaroj<br />
nur daŭrigis mian kelkatagan vivon, kaj mi devis dungiĝi kaj lupreni simplaĉan ĉambron. Do mi<br />
tuj luprenis ĉambron, kaj pro malfacila dungiĝo je konvena laborposteno, mi servis kiel komizino<br />
ĉe butiko en la kvartalo Qianjin.”<br />
Bai eligis vesuspiron. Lia mieno distordiĝis pro kompatemo, memriproĉo kaj amemo.<br />
“Post tri tagoj mia servado kiel komizino estis interrompita de neatendita afero. Iutage<br />
fraŭlino faris aĉeton ĉe nia butiko. Surprizite, mi trovis ŝin mia bona amikino dum mezlernejaj<br />
jaroj, kiu ne komunikiĝis kun mi ekde diplomiĝo el supera mezlernejo. La revidiĝo ekscitis nin<br />
ambaŭ. Ŝia hejmo situis proksime de nia butiko. Tiun nokton, mi restis ĉe ŝi kajĝue babiladis tra<br />
la nokto. Mi ne rakontis al ŝi, kio okazis al mi, kaj mi nur diris, ke mi renkontis korŝiran<br />
okazintaĵon. Tiam mi restis pala kaj malgrasa. Ŝi montris al mi kompaton kaj penis persvadi min,<br />
ke mi ne laboru kiel komizino kaj loĝu portempeenŝia hejmo. Mi pli aŭ malpli volonte promesis.<br />
Tiam ŝi plenumis formalaĵojn por iri eksterlanden, kaj ŝi demandis, ĉu miankaŭvolas fari la<br />
samon. Dum tiu tempo tiuj, kiuj diplomiĝis el mezlernejo, rajtis iri eksterlanden. Mi respondis, ke<br />
al mi mankas mono por vojaĝi kaj estas senutile por mi plenumi tiujn formalaĵojn. Sed ŝi admonis<br />
al mi unue prezenti peton al eksterlanda lernejo. Neatendite mia peto estis eĉ akceptita, kaj ankaŭ<br />
la ŝia. Ŝi prove persvadis min iri eksterlanden per jenaj tri motivoj: unue ŝanĝi la nunan medion<br />
por forgesi la pasintaĵojn, due lerni ion novan por pliriĉigi niajn proprajn sciojn, kaj trie iri de la<br />
tute nova komenco por fariĝi nova homo. Ankaŭ mi volis fari provon, sed mankis al mi mono kaj<br />
kaŭcio. Tamen ekpenso fulmis kaj mi rigardis la ringon sur la fingro... ve,” ŝi mallaŭte veis,<br />
rigardante al Bai. “La ringo kun tri-karata diamanto! Ĝi helpis al mi transpasi la maron kaj rekte<br />
flugi al alia mondo! Tial, dum vi serĉis min de unu dancejo al alia, mi jam studis en fakultato pri<br />
- 139 -