You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
3.<br />
Aŭdiĝis malpezaj frapetoj sur la pordo.<br />
“Envenu!” kriis Fang Siying, levante sian kapon el super la librotablo.<br />
Puŝmalfermiĝis la pordo. Bai Tingting envenis kun librosako sur la dorso, kaj fermis la pordon<br />
post si. Kun dolĉa rideto,ŝimallaŭte diris, “Mi venas, instruistino.”<br />
“Bone. Sidiĝu, Tingting.” Fang alŝovis kanseĝon al ŝi kaj sidigis ŝin. Poste, okule<br />
ekzamenante ŝin, ŝi ridete diris, “Ĉu vi scias, ke vi jam multe progresis post unu monato de<br />
lecionriparado. Videble, vi ne povas ne fari bone, sed ne volontas fari bone, ne volontas fari bone<br />
kun zorgemo.”<br />
Mallevinte siajn brovojn, la knabino eligis suspiron.<br />
“Jen vi suspiras denove,” Fang priŝerce diris, “De kiu vi lernas pri suspiremado? De viaj<br />
gepatroj?”<br />
“De mia patro — aĥ!” La knabino ekpensis pri io. Ŝi eltiris koverton el la librosako kaj<br />
transdonis ĝin al Fang, ridante, “Mi preskaŭ forgesis tion. Mia patro volas, ke mi donu ĝin al vi.”<br />
“Kio estas tio?” Fang perplekse ricevis la koverton kaj malfermis ĝin. Troviĝis en ĝi staketo da<br />
dek 100-dolaraj monbiletoj. La rideto malaperis el ŝia vizaĝo. Rigardante al la knabino, ŝi<br />
demandis, “Por kio estas ĉi tio?”<br />
“Mia patro diris, ke vi ne senpage riparu miajn lecionojn. Ĉi tio estas dankesprimo, la pago por<br />
lecionoj.”<br />
“La pago por lecionoj?” Fang ne povis reteni rideton. Ŝi enmetis la monbiletojn en la koverton<br />
kaj redonis ĝin al la knabino, dirante, “Redonu ĝin al via patro, ĉu? Diru al via patro, ke mi riparas<br />
viajn lecionojn ne por pago. Ne mankas al mi mono. Se vi pagas, ĉio iras nenature. Ĉu vi<br />
komprenas? Prenu ĝin hejmen!”<br />
“Sed…” La knabino urĝeme diris, “Mia patro ordonis al mi transdoni ĝin al vi. Se mi reportos<br />
hejmen, mia patro koleriĝos.”<br />
Fang ekstuporis. “Via patro…” ŝi heziteme demandis, “ofte koleriĝas kontraŭ vi?”<br />
“Ne, ne!” La knabino laŭtvoĉe kriis, “Mia patro neniam koleriĝas kontraŭ mi, neniam! Li<br />
amas min, ĉu vi scias?” Ŝi eligis spiron kaj fikse rigardis al Fang. Kaj ŝi abrupteŝanĝis sian tonon<br />
kaj diris softe, milde kaj infanece, “ Hieraŭ estis mia naskiĝtago.”<br />
“Ĉu jes?” Fang falis en alian stuporon, ne sciante, kion la knabino volas esprimi.<br />
“Jes, mi mem forgesis pri tio.” La knabino rigardis al ŝi per paro da rondigitaj okuloj, honestaj<br />
kaj naivaj. “Kiam mi hejmenrevenis post lerneja kurso, mi vidis grandan tritavolan torton,<br />
kandelojn kaj florojn en la ĉambro, kaj mi ŝtoniĝis pro miro. Mia patro eklevis min en la aero kaj<br />
diris ‘Feliĉan naskiĝtagon, mia etulino!’” Eliginte alian spiron, la knabino montris senlimajn<br />
kontentecon kaj ĝojon. “Mia patro ĉiam nomas min etulino. La kaŭzo kial li nomas min tia, mi<br />
pensas, estas tio, ke li ne povas vidi mian altecon pro sia blindeco. Poste panjo metis en mian<br />
sinon tre belan skatolon ligitan per ruĝa silka banto. Instruistino Fang, divenu,” ekbrilis la okuloj<br />
de la knabino, “kio troviĝis en ĝi?”<br />
“Do kio troviĝis ene?” Fang koncentriĝis en aŭskultado.<br />
“Granda pupo!” diris la knabino anhelante. “Ĝi havas orajn longajn harojn, malfermeblajn kaj<br />
fermeblajn okulojn, blankan gazan jupegon. Oh, instruistino, vi ne povas imagi, kiel bela ĝi estas.<br />
-16-