Bokmagasinet nr 1 årgang 1

TEMASIDER
25. mai er
handkledagen.
Mange vil markere 25. mai ved å gå rundt med eit
handkle den dagen. Men – kva har handkle med bøker
å gjera?
Svaret på det finn me ved å gå til ein av Storbritannias
mest kjente forfattarar av fantastisk litteratur: Douglas
Adams. Som ein innflytelsesrik science fiction-forfattar
har han arbeidd med
Doctor Who, Haikerens guide
til galaksen og Dirk Gently, i
tillegg til fleire ulike teksteventyrspel.
Haikerens guide til galaksen
starta som eit radiohøyrespel
for BBC, men kom etter kvart
òg ut som TV-serie, teateroppsetting
og på LP, og så klart
bøkene. Eventyrspel vart òg laga, før det til slutt vart
laga ein spelefilm. Filmen bygde fint på bøkene, men
tru ikkje at du dermed har fått med deg alt; dei ulike
versjonane har innhald som varierer sterkt.
Det er trilogien, som passande nok er på fem bøker
(i stil med til tider obskur humor?) som fortel oss om
kor nyttig eit handkle er å ha med seg når ein haikar
gjennom galaksen.
Bøkene hans fekk fans over heile verda, og då han
brått gjekk bort i 2001, kom det raskt forslag om å
minnast han ved å markere 25. mai som handkledagen
og bera med seg eit handkle den dagen.
Som forlag vil vi gjerne dra fram nokre av våre bøker
i fantastisk litteratur-sjangeren i dette nummeret.
12
“Any man who can hitch the length and
breadth of the galaxy, rough it, slum
it, struggle against terrible odds, win
through, and still know where his towel
is is clearly a man to be reckoned with.”
Douglas Adams, The Hitchhiker’s Guide
To The Galaxy