PDF - Biblioteka Kombëtare dhe Universitare e Kosovës

Një litër ndikon në zbutjen dhe dezinfektimin e materialit.
Procedura e restaurimit të lidhjes lëkurore, në
përgjithësi, përbëhet prej disa parimeve:
Nëse kopertinat origjinale janë të ruajtura vetëm pjesërisht,
atëherë së pari pastrohet dhe zbutet ajo pjesë që ka
mbetur. Pastaj, nga lëkura e re (duhet të jetë sa më e
ngjashme për nga ngjyra me origjinalin) prehet një pjesë
(në formë të pjesës që mungon) në pjesën tjetër të kopertinës,
me dimensione sa më të vogla (2-3 mm) të barabarta.
Pjesa e lëkurës, në pjesën e prerë që kalon nëpër konturën
e kopertinës origjinale të dëmtuar, hollohet me thikë.
Gjithashtu, hollohet tehu i origjinalit, në vendin e dëmtuar,
por tani duke e formësuar. Prandaj, në kopertinën e formësuar
ngjitet pjesa e re e lëkurës, e prerë dhe e holluar. Tehet
shtypen përmes falkobajnit dhe rrafshohen, ashtu që pjesët
shtesë i zëvendësojnë mirë pjesët që mungojnë. Tehet nuk
duhet të jenë të trasha. Ngjitja bëhet me fytyrën e kopertinave
të reja.
Hollimi i skajeve realizohet në këtë mënyrë: lëkura lihet
të zbutet, sepse e zbutur hollohet më lehtë, pastaj me fytyrë
teposhtë vendoset në pllakën e drurit (mermerit), me dorën
e majtë shtypet në pllakë, kurse me dorën e djathë me
kujdes, hollohet me thikë, 3-4 mm nga skaji në vijën këndore.
Vrimat e vogla mund të plotësohen me pastën
lëkurore, e cila krijohet nga pluhuri i lëkurës dhe ngjitësi i
metilcelulozës, në raport 1:1. Ngjitësi i metilcelulozës formohet
me tretjen e 15 gr metilcelulozës dhe 100 ml (96%)
alkool.
106
IV RUAJTJA E MATERIALEVE TË TJERA
RUAJTJA E FOTOGRAFIVE
Fotografitë dëmtohen
lehtë, më së shumti
nga lagështia. Vendi ku
ruhen ato duhet të ketë
lagështi relative 40-60%
dhe temperatura nuk
guxon të jetë mbi 21 0C. Fotografitë i dëmton
drita. Andaj, duhet të Ruajtja e fotografive
ruhen në vend të errët
dhe të mbrojtur nga rrezet ultravjollcë. Sot, ekzistojnë lloje
të ndryshme të materialeve me të cilat mbështillen
fotografitë. Këto materiale janë mjaft efikase për mbrojtjen
e tyre nga dëmtimi.
RUAJTJA E MIKROFILMAVE
Mikrofilmat duhet të ruhen në temperaturë të ulët dhe
lagështia relative duhet të jetë 40–60%. Në temperaturë të
ulët zvogëlohet shpejtësia e lirimit të gazrave azotike.
Vendi ku ruhen mikrofilmat duhet të ketë ventilim të mirë,
që t’i largojë gazrat azotike, të liruara, si të dëmshme. Për
këtë arsye nuk guxojmë që mikrofilmat t’i ruajmë në kuti,
të mbyllura hermetikisht.
107