PDF - Biblioteka Kombëtare dhe Universitare e Kosovës

kthimin e të lexuarit duhet të shfrytëzohen mjetet kimike,
por kjo bëhet vetëm atëherë kur kemi shumë prova të
rezultateve të suksesshme. Duhet të kemi kujdes, sepse
mjetet kimike mund të veprojnë vetëm për një kohë dhe
pastaj, veprojnë negativisht në vetë dokumentin ose do t’i
limitojnë veprimet e mëtejme konservuese. Në shumicën e
rasteve, pas paraqitjes së zjarrit, materialet e bibliotekave
dëmtohen edhe nga zjarri edhe nga uji, që e fikë atë. Në
këto raste, duhet të veprohet sikur me materialet e dëmtuara
nga uji (përmbytja).
116
VI QENDRA E RESTAURIMIT DHE E
KONSERVIMIT. LIBËRLIDHJA
Në laboratorët e konservimit, kohët e fundit, kanë filluar
të futen shumë metoda të reja, duke iu ikur sa më shumë
metodave klasike. Varësisht se me çfarë materiali kemi të
bëjmë i përdorim edhe metodat përkatëse. Mirëpo, gjithmonë
duhet pasur parasysh se cilado metodë që përdoret
nuk guxon ta dëmtojë materialin. Është mirë, gjithmonë,
që restaurimi i lëkurës të bëhet me lëkurë, i pergamenës me
pergamenë, i letrës me letër dhe mundësisht të bëhet edhe
përshtatja e ngjyrave. Gjatë restaurimit të materialit të rrallë
nuk guxon të humbë asnjë grimcë, qoftë edhe një shkronjë
e vetme.
Para restaurimit duhet të bëhet mikrofilmimi (fotografimi),
i secilës faqe, ose së paku i atyre që janë më tepër të
dëmtuara. Gjithsesi, në laboratorët e modernizuar përdoret
skanimi.
Personeli konservues e bën identifikimin e materialit
për mbrojtje (riparim) dhe ndihmon në kurimin (mjekimin)
e këtyre materialeve, si dhe e cakton llojin e materialit, që
do të trajtohet. E gjithë puna e personelit bazohet në trajtimin
konservativ të gjërave të rralla dhe materialit që
tërhiqet nga bibliotekat e tjera. Këtu përfshihen konsultimet
dhe propozimet e specialistëve konservativë.
Ecuria e punës:
Puna për rregullimin e librit në Qendrën e Restaurimit
dhe të Konservimit fillon në laborator, ku libri i dëmtuar
kalon nëpër disa faza a veprime. Fillimisht, merret lista
117