PDF - Biblioteka Kombëtare dhe Universitare e Kosovës

Ecuria e punës:
Libri futet në Claspres dhe i bëhen disa vija, me ndihmën
e bizës, që të shpërndahet ngjitësi më mirë, pastaj me
brushë bëhet lyerja me ngjitës, duke e bërë shtrirjen e
fletëve në të dy anët (siç shihet në foto). Shtrëngohet libri
me të dy duart, nga poshtë-lart, që të bëhet largimi i
ngjitësit të tepërt, si dhe largimi i fluskave të ajrit. Sipas
madhësisë së librit bëhet edhe përgatitja (prerja) e
vendeve, për vendosjen e penjve të konoptë. Pasi të vendosen
penjtë e konoptë, sërish bëhet shtypja e librit në
Claspres dhe lihet për një kohë të shkurtër. Më pas, i priten
penjtë e tepërt dhe vendosen këmishëzat, si dhe tyli në
shpinën e librit. Në të dy skajet tyli duhet të jetë më i
shkurtër. Kjo është përgatitja paraprake për t’u vendosur
më pas kopertinat, rregullimi i të cilave është përshkruar
me lart.
Kopertinat e buta:
Materiali për lidhje të librit, gjithmonë duhet t’i përshtatet
vlerës së tij. Kështu, rregullimi i kopertinave të buta
bëhet për librat, që nuk kanë vlerë të madhe, dhe zakonisht
bëhet me skaj.
Fillimisht duhet të matet libri. Pastaj shikohet nëse libri
është i fotokopjuar ose jo. Sepse, libri i fotokopjuar punohet
në disa mënyra: palohet libri, rregullohen dhe rrafshohen
fletët, si dhe lyhen me ngjitës. Pastaj e vendosim në
Claspres dhe e lyejmë me ngjitës shpinën e librit.
Më pas, mbi libër vendosim peshë të rëndë dhe presim
derisa të thahet ngjitësi. Mandej, në formë shiriti e prejmë
shpinën e librit për t’ia bërë vrimat, ku do t’i vendosim
penjtë.
Kjo metodë aplikohet edhe te revistat. Mirëpo, duhet
134
pasur kujdes që të mos dëmtohet teksti kur t’i vendosim
penjtë.
Presim derisa të thahet për ta vendosur këmishëzën e
librit. Këmisha vendoset te të gjitha lidhjet (të forta dhe ato
të buta). Prapë i vendosim tylin dhe i përgatitim kopertinat.
Më pas, e prejmë anash, e kthejmë gjysmërrethin në shpinë
dhe prapë fillon përgatitja e titullit me shkronja për t’u
shtypur në koperinë. Ecuria e punës është përshkruar më
lartë.
Po ashtu, edhe te qepja e revistave duhet të bëhet rregullimi
i numrave dhe heqja e kopsave. Qepja varet edhe
nga trashësia e revistës, numri, vitet etj. Pasi që i kemi
hequr kopsat, e fusim revistën në Claspres, e prejmë në
vendet ku do ta vendosim konopin dhe varësisht sa është e
madhe revista apo libri bëhet edhe prerja. Gjatësinë e
konopit e lëmë 6 cm më gjatë sesa gjatësia e shpinës së
materialit (3 cm në një anë e 3 cm në anën tjetër). Më vonë
konopët shprishen me bizë, që të rrafshohen dhe pastaj i
tërheqim prej Claspres-i. Materialin e kthejmë në tavolinën
e punës, duke e kthyer mbrapsht dhe së pari e marrim numrin
e fundit. Gjithmonë, duke e kthyer kreun e librit nga
vetja. Tani e marrim konopin dhe e vendosim në vrimat, që
i kemi bërë më herët.
Tani fillohet më qepjen e revistës nga fundi, një nga një,
dhe kur të qepet e tëra, atëherë i marrim kamishëzat e përgatitura
dhe ia vendosim. Penjtë e konopit të shprishur i
ngjesim për këmishëz dhe pastaj e lyejmë shpinën me
ngjitës. Në fund ngjitet tyli. Materiali që është duke u rregulluar
prehet në sipërfaqen e përparme dhe anash. Pas prerjes
i biem ngadalë me çekan që t’i formohet harku (gjysmërrethi).
Tani përgatiten kopertinat si më lart.
135