PDF - Biblioteka Kombëtare dhe Universitare e Kosovës

dueshëm, por është efikas për një kohë të shkurtër. Veprimi i
timolit është testuar një kohë të gjatë në Muzeun Britanik dhe
është vërtetuar se mund të përdoret për të gjitha vizatimet,
shtypin, dorëshkrimet, ngjyra të pikturave (pastel, akuarel),
librat dhe materialet e tjera, që nuk janë të lyera me ngjyra të
vajit, të cilat i zbërthen timoli. Nëse nuk jemi të sigurt duhet
që së pari ta provojmë në një vend tjetër me përzierje alkoolike
të timolit (në një shkronjë ose në një qoshe të pikturës a
librit, etj.). Nëse timoli ndikon dhe e zbut vizatimin, shtypin,
shkronjën etj., atëherë nuk duhet të përdoret, mirëpo nëse
timoli nuk e zbutë materialin që e përdorim për demonstrim,
atëherë lirisht mund të përdoret. Është vërtetuar se timoli në
letër nuk ndikon. Pra, nuk është vërejtur se e dëmton letrën.
Dezinfektimi
bëhet në një komotë
të mbyllur hermetikisht.
Komota mund
të jetë si një kuti (ose
dollap) i adaptuar për
këtë qëllim. Mjafton
që të vendoset një
llambë elektrik prej
40-100 W dhe nën të
të vendoset një enë e
xhamit me timol, aq
larg që të mund të
fitojë nxehtësi të
Komotë për dezinfektim
mjaftueshme për ta shpërndarë timolin. Varësisht nga fuqia e
llambës (poçit), zakonisht mjafton të jetë largësia 5-10 cm. Disa
centimetra mbi timol duhet të vendoset rrjeta, në të cilën do të
vendosen librat.
Libri që është në pozitën e shtrirë nuk është i vendosur drejt
60
dhe nuk mund të dezinfektohet mirë. Llamba elektrike mbetet e
kyçur afro 2 orë, ndërsa librat qëndrojnë të mbyllura 24 orë, në
ambient timoli. Kjo përsëritet disa herë (disa ditë) nga 24 orë.
Për dezinfektim janë të mjaftueshme 70 gr timol (1m3 ).
Edhe nëse përsëritet shumë herë ky dezinfektim nuk e dëmton
librin, mirëpo duhet pasur kujdes, që timoli të jetë i pastër,
kurse librat të jenë të vendosura si duhet dhe si parashihet.
Ka edhe disa mënyra të tjera të dezinfektimit, p.sh:
10 gr timol në 100 ml etilalkool 96 %.
Mënyrë tjetër e dezinfektimit është kur pjesë të letrës
thithëse lagen (letra thithëse duhet të jetë e lagur, jo e thatë, por
jo edhe e bërë qull). Këto letra të lagura futen ndërmjet dokumenteve
ose fletëve të librit dhe lihen që të qëndrojnë disa ditë.
Letrat duhet të ndërrohen çdo 24 orë dhe të futen në fletët e
tjera për t’u tharë. Fletëve të librit, pastaj mund t`iu biem me
hekur (ujti) të nxehtë dhe një pjesë e timolit futet në letër.
DEZINFEKTIMI ME KLORTIMOL
Klortimoli është materie e fortë kristalore, pa ngjyrë,
me temperaturë të shkrirjes 59-61 0C, tretet në ujë me
vështirësi, kurse në benzinë, alkool, etër etj., tretet lehtë.
Ka veprim të fortë toksik, më të fortë se timoli. Ecuria e
punës gjatë dezinfektimit është e njëjtë me rastin e përdorimit
të timolit.
DEZINFEKTIMI ME FORMALINË
Formalina ka veprim të gjerë. Përbërja e 40% formaline
në ujë avullohet lehtë dhe ka erë mjaft të rëndë. Nuk e
dëmton letrën, mirëpo e dëmton pergamenën dhe lëkurën.
61