PDF - Biblioteka Kombëtare dhe Universitare e Kosovës

dhe verifikohet emri i librit, pastaj shikohet nëse libri ka
ose jo mikrofilm a mikrofishë. Më pas, zgjidhet pozita më
e mirë e tij për t’u fotografuar. Fotografohet në dy pozita,
të shtrirë ose në formë të shkronjës L. Pozita e dytë është
më e preferuar për arsye se libri kur hapet nuk dëmtohet.
Por, ky fotografim është më i ngadalshëm.
Mikrofilmin duhet ta bëjë fotografi ose një restaurues i
mirë. Kjo ka rëndësi të veçantë, sepse vetëm ata i japin
rëndësi mënyrës dhe kujdesit të ruajtjes së librit dhe mikrofilmimit.
Fotografi duhet ta mbajë negativin e filmit, ndërsa
restauruesi fotografinë. Më pas, shikohet nëse qepja e
librit është e mirë ose e dëmtuar. Kjo duhet të shikohet me
kujdes, sepse nëse libri nuk është i qepur mirë, atëherë
mund të ndahet dhe të fotografohet fletë-fletë. Librit i
fotografohen këto pjesë: kapaku i sipërm dhe i poshtëm,
shpina dhe mentesha, sepse është e rëndësishme për ta
treguar periudhën historike (si p.sh. te pergamena, te libri i
vjetër me lëkurë etj.), si dhe pjesët e tjera të rëndësishme të
librit.
Gjithashtu, shikohen edhe të gjitha llojet e materialeve,
prej të cilave është i përbërë libri, si p.sh.: lëkura e kapakut,
letra, peri i qepjes etj. Shikohet nëse libri është shkruar me
shkrim dore ose të shtypura me makinë. Pastaj, është e
rëndësishme, distanca e pashkruar ndërmjet dy fletëve dhe
kutia ku duhet të vendoset libri pas restaurimit. Kjo kuti
duhet të jetë me pH neutal. Po ashtu, në kuti vendosen edhe
të gjitha të dhënat, në lidhje me punën dhe intervenimet që
janë bërë. Shënohet data e hyrjes së librit dhe numri i librit,
që vjen për restaurimit (numri i inventarit në sektor)
p.sh. libri ka ardhur në sektor në vitin 2001 dhe numri i
inventarit është 43, atëherë shënohet: Nr. 01/ 43. Pastaj,
restauruesi e bën përshkrimin e punës.
118
Rregull me rëndësi në restaurim është puna e mirë e jo
koha e kryerjes së saj.
Në fund, pasi të jenë kryer të gjitha veprimet e duhura
për restaurim, fillon procesi i shërimit (konservimi) të librit
INTERVENIMET
Intervenimet në një material të dëmtuar bibliotekar janë:
heqja e pluhurit;
dezinfektimi;
neutralizimi;
zbardhja ose heqja e njollave me mjete kimike;
restaurimi me dorë;
rrafshimi i fletëve;
qepja;
rregullimi i kopertinave (qoshet, shpina) dhe
laminimi.
a) pozitë të shtrirë b) pozitë të hapur
119