PDF - Biblioteka Kombëtare dhe Universitare e Kosovës

Veglat e punës që përdoren gjatë libërlidhjes
QEPJA
Në libërlidhje bëhet qepja e librit me veglën e ashtuquajtur
Telajë. Fillimisht bëhet renditja e numrave dhe e viteve, pastaj
rrotullohet në anën e kundërt, prej fundit, që numri i parë të jetë
në fillim (është fjala për
gazeta dhe revista).
Ndërsa, libri futet në
kornizë dhe varësisht prej
formatit të tij bëhet edhe
vendosja e shiritit për
qepje. Zakonisht, vendosja
e shiritit bëhet në tri
vende nga 1.5 cm, por kjo
gjithmonë varet nga
gjatësia e librit, e gazetës,
e revistës etj.
Qepja me ndihmën e telajës
126
Ecuria e punës:
Dorën e majtë e vendosim në mes të fletëve (në mes të
fashikullit), kurse ballina e librit duhet kthyer nga vetja,
pastaj fillojmë me qepje nga fundi i librit. Gjilpëra depërtohet
në mes të shiritit (leckës për qepje), që përdoret për
qepje, i cili duhet të mbetet i gjatë 2 cm. Pas qepjes së çdo
fashikulli, fletët duhet të rrafshohen me falkobajn.
Pas qepjes së gjithë fashikujve, me ndihmën e telajës
vazhdojmë me rregullimin e kopertinave.
RREGULLIMI I KOPERTINAVE (QOSHET, SHPINA)
Kopertinat e forta:
Pasi ta përfundojmë qepjen e bëjmë përgatitjen e
këmishëzës. Shpinën e librit e lyejmë me ngjitës (lyerja
bëhet me brushë) dhe me leckën për qepje e mbërthejmë
librin. Kjo shërben për ta mbajtur forcën e tij. Ngjitësi
duhet të thahet pak, për ta ngjitur pastaj këmishëzën në tërë
sipërfaqen e tij. Më pas, e prejmë tylin me të cilin
mbështillet shpina dhe të dy anët e librit. Për t’i barazuar
a) vendosja e tylit dhe
b) vendosja e hizles në shpinën e librit
127