PDF - Biblioteka Kombëtare dhe Universitare e Kosovës

Tretja me DDT bëhet kështu:
Sasia e caktuar e DDT (pluhur) përzihet me ujë, duke u
përzier me lugë porcelani dhe duke i shtuar vazhdimisht
ujë.
Preparati që përmban DDT në formë pluhuri, 10–30%,
hedhet në të gjitha vendet, ku insektet mund të depërtojnë.
Supozohet se 2 gr materie aktive mjaftojnë për 1m 2
hapësirë.
DDT është pesticidi i parë sintetik, i cili i parapriu
kohës së aplikimit, në masë të madhe, të pesticideve. Ky
pesticid është prodhuar në sasi të mëdha dhe është përdorur
një kohë të gjatë. Konsiderohet që gjatë 25 vjetëve të
para janë prodhuar 500 milionë tonelata. Gjatë Luftës së
Dytë Botërore është përdorur me sukses kundër epidemisë
së tifos në Itali. Pluhuri është hedhur në sasi të mëdha në
kokë dhe në pjesë të tjera të trupit të njeriut dhe ka kaluar
pa pasoja të dukshme.
DDT, po ashtu, është shfrytëzuar në depot për ruajtjen e
ushqimit, kundër parazitëve të shtazëve shtëpiake, të
njerëzve etj.
MASAT MBROJTËSE GJATË DEZINSEKTIMIT
Librat dhe dokumentet që vërtetohen si të pasura me
insekte duhet të largohen për t`u dezinfektuar dhe dezinsektuar.
Gjatë punës së gjatë me DDT duhet pasur dorëza mbrojtëse,
maskë respiratore, syze dhe tesha mbrojtëse.
Sot ka shumë materie për spërkatje, që mund të përdoren
duke pasur kujdes që të mos e lagim librin. Më së
shumti përdoren për librat bardh e zi dhe pas spërkatjes
66
vendosen në kuti ose
komotë hermetike për
24 orë, duke ikur nga
metodat klasike të dezinfektimit.
Me spërkatës mund
të spërkatet e tërë depoja
e librit (pa i bartur
librat poshtë e lartë).
Nuk ka insekticid që Pajisjet mbrojtëse të konservatorit
nuk është toksik për
njeriun, por shkalla e toksicitetit varet nga koncentrimi
(doza) e tyre. Gjatë punës duhet pasur kujdes me insekticide,
pa marrë parasysh se çfarë koncentrimi kanë.
DERATIZIMI
Me deratizim nënkuptojmë eliminimin e brejtësve (minjve).
Ekzistojnë tri mënyra për eliminimin e brejtësve:
a) Mënyra mekanike;
b) Mënyra kimike dhe
c) Mënyra bakteriologjike
Mënyra mekanike: Brejtësit eliminohen duke përdorur
gjësende të ndryshme p.sh., me kurthë, duke hedhur në të
djathë, grurë, bukë etj.
Mënyra kimike: Bëhet me helme të ndryshme si: sulfati
i taliumit, treoksidi i arsenit, fosfati i zinkut etj. Të
gjitha këto helme përdoren nën masa të rrepta sigurie.
Mënyra e përdorimit të secilit helm është e shënuar bashkë
me preparatin.
67