PDF - Biblioteka Kombëtare dhe Universitare e Kosovës

Filmat duhet të kontrollohen vazhdimisht dhe pastaj,
sipas nevojës, ata ose vazhdohet të ruhen ose shumëzohen
dhe të dëmtuarit hedhen. Duhet pasur kujdes, sepse filmat
nitro mund të ndezen lehtë, prandaj në laborator duhet të
ketë aparat për fikjen e zjarrit.
Kutitë, ku ruhen mikrofilmat, duhet të jenë nga materiali
që nuk ndryshket dhe të ketë vrima për ajrosje. Më së
miri është që ato të jenë prej alumini, për arsye se nëse
ndryshken, atëherë edhe filmat prishen.
Gjithashtu, të gjitha kutitë duhet të vendosen horizontalisht.
Filmi duhet të jetë i mbështjellur me material që
nuk ndryshket dhe me diametër afro 5 cm. Në kuti nuk
guxojmë të vendosim më shumë se 300 m film. Mirëpo,
edhe nëse filmi është i shkurtër, në kuti futet vetëm një
film.
Dallojmë disa lloje filmash:
Filmat prej acetati;
Filmat nga poliestri dhe
Filmat me ngjyra.
Filmat prej acetati: - Këta filma nuk janë rezistentë. Andaj,
ruhen në kuti të mbyllura, sepse i dëmton ajri. Kutitë mbyllen
hermetikisht, ku temperatura dhe lagështia duhet të jenë afërsisht
50-60%. Filmat acetat nuk guxojnë të ruhen bashkë me
filmat nitro, sepse nitro filmi e dëmton filmin acetat.
Filmat nga poliestri: - Filmat nga poliestri janë të fortë si material.
Nuk ndezen dhe janë më të qëndrueshëm sesa filmat acetat.
Ruhen në temperaturë 21 0C dhe lagështi relative 40-60%.
Filmat me ngjyra: - Janë më pak të qëndrueshëm sesa
filmat bardh e zi. Kushtet optimale për ruajtjen e tyre është
temperatura 17 0C dhe lagështia relative 15-25%.
108
Ruajta e mikrofilmave
Pastrimi dhe ruajtja e filmave dhe kutitë për ruajtjen e tyre
109