PDF - Biblioteka Kombëtare dhe Universitare e Kosovës

Libri pastrohet në atë mënyrë që me dorën e majtë e
shtrëngojmë librin e me dorën e djathë e heqim pluhurin
prej tij, me anë të leckës. Libri duhet të mbahet fort, që të
mos futet pluhuri në mes të fletëve.
Mënyra tjetër për pastrimin e librave është edhe me
ndihmën e aparatit me vakuum për pastrimin e librave.
Këtu, librat vendosen mbi hapësirën poroze (me vrima)
dhe duhet të jenë të kthyera me shpinë përpjetë. Ndërsa,
poshtë hapësirës poroze (me vrima) është një hapësirë me
vakuum, në të cilën është një qese e paraparë për thithjen e
pluhurit, e që është e lidhur me një thithëse elektrike ose
një fen pa nxehës.
Kur punohet me thithëse elektrike, librat hapen me
dorën e majtë, kurse me të djathtën punojmë me thithëse.
Ndërkaq, kur punohet me libra të vjetër, të dëmtuar,
atëherë duhet që thithëses t’i vendoset ndonjë gazë, që t’i
humbet fuqia thithëse.
Kur të pastrohet materiali duhet të kthehet në vendin e
vet, në raft, po ashtu të pastruar. Pastrimi bëhet shpesh,
varësisht se sa ka pluhur në hapësirë dhe a ka rregullator të
klimës dhe filtra.
Për çdo rast, preferohet të shikohet (të vërejmë) ose të
bëjmë kontrollim vjetor a dyvjetor, ndërsa kryerjen e
pastrimit në detaje duhet ta bëjmë së paku një herë në pesë
vjet.
PASTRIMI I KOPERTINAVE (LIDHJEVE)
Kopertinat duhet të pastrohen dhe të restaurohen varësisht
nga nevoja (në vendet e industralizuara në çdo 11
muaj deri në dy vjet).
50
Pastrimi i pluhurit bëhet me vatë dhe ujë të distiluar,
duke e ndërruar vatën derisa ajo të zhytet. Pastaj, mund të
bëhet edhe pastrimi me përzierjen e tëmthit të lopës me
alkool (1l tëmth në 20 ml alkool).
51