2007-02

Mundart
„Leimber Wäjjer“ en Seje en de drissicher Joarn
So gearn wi mier em Wender foar de körberliche Railichkait
en de Barea’schdalt gengen, so gearn gengen m’r
och em Sommer d’rfoar en d’r Leimber Wäjjer. Mier wollden
os awer net nuer wäsche, mier wollden Schbass ha, en
d’r Sonn läjje, schwemme, schbeln, Iss ässe on schbäer da
och noch no de Jonge gucke.
Groasmodder, Modder, Kenner, all Onkeln on Dande
gengen bi os altemo em Sommer met Sack on Pack am
Wochänn zom Leimber Wäjjer en d’r Iserner Schdrose, do
wo itz d’r Audo-Bald es. Em Wender sin m’r om Wäjjer
Schlettscho gelaufe, on en de groase Ferije woar d’r Leimber
Wäjjer os „Urlaubsdomizil“. So fel geränt wi ho härret
domols net, on wännet ränt, erret och em Wasser schea,
nuer bim Gewedder sin m’r da schdifde gange. A’et ferraise
hät kainer gedocht; do woar och ga kai Gäld foar do.
Samsdachs, wann fel Li komen, ha ech emmer gewadet
bes so fenne orrer sekse a d’r Kasse schdonnen. Ech sin da
onner so nem glaine Kassebrätt gebeckt duerchgeflutscht,
henner dä Li hergange und ha mech da wane gefräjjt ewer
di zwanzich Pänning me foar Iss. Fier Mol foar fenf Pänning
Iss, on jedesmo noch e Waffel-Hörnche d’rbi, wat m’r
awer bal zom Hals russ heng. Soo drij.
drenke zom Keln rengeschdallt. A d’r Bachsidde schdonnen
Baim, wo m’r schea em Schadde läjje konn. Of d’r
groase Wes on em Sand konnen de Kenner schbeln; en
Wibbe gobet, e Kesdsches Dreller on en Rondlauf. Dat zog
ainem oarndlech en de Arme, och de Bain mossde m’r arich
schdrecke, wann m’r do dra heng. Ech glauwe, d’rwäje ha
ech och de Arme on de Bain ze lang.
„Wedde met m’r duerch d’r Wäjjer schwemme, hin on
zerecke“, frogde mech emo min Onkel Emil, d’r Ma fa ain
dä fenf Schwäsdern fa minner Modder. „Du kast dech a de
Drägern fa minnem Bare’azoch fäsdehale on schwemmst
met de Bain wi’e Grotsche, orrer häsde Angst?“ Ech scherrelde
d’r Kobb. Da komm!
M’r konn, wann m’r woll, sech nom Schwemme dusse
onnern isskale Brause schdälln. Zom grendlich wäsche
geng m’r en e glai Kabueffje woet warm Wasser gob, awer
da mossde m’r wat bezaln. En nem Lare gobet Kaffe on
Ko‘che, Dailcher, Schnuck on Iss ze kaufe. Postkade, Zaidonge,
Zigaredde, Bier on Gleckerwasser woarn och ze ha.
Gleckerwasser gobet en Fläsche, di oawe en Koggel (en
Glecker) zom Endrecke hadden. Dräj Sorde konn m’ ha,
Kirsch, Waldmaisder on Zidrone.
Grotscher sin en jedem Wäjjer d’rhaim, em Leimber
woarn se och. Wann di gelaicht hadden, woar foarn em
glaine Bäcke der Borem zogesät met Gullbatsche. Et wemmelde
nuer so foar ludder glaine schwarze Knäbbe met
webbelije Färm. Geng m’r da end Wasser, woar darre gledschich
Gedä onner de Fese. Mier hadden os awer dra geweant.
Bim Schwemme ha m’r net geschwatt, os Mull blef
fäsde zo. Wä well schoa en Gullbatsch em Bu’ch ha?
Wann de Gullbatsche greaser wuern, zo glaine Fröschelcher,
da hauden se ab fam Wäjjer uss a d’r Sidde e
Schdeckelche de Wes hoch, ewern Wäch, henne werrer
e Schdeckelche de Wes ronner zo end Bachbädde fa d’r
Leimbe ren. Dat woar d’r Wasserzofloss foar d’r Wäjjer.
En däm duermelden di sech da schbäer rem on ha de Li
nächdens met earem Gegwake net schlofe lose.
Em glassglore, emmer kale Leimbewasser ha m’r, wann
m’r en ganze Dach blewen, d’r Doffelns’salot on wat ze
Der alte Leimbacher Weiher
En däm Sommer woar ech em Frejoar grad dräj Joar alt.
Als m’r em Wasser woarn, säde min Onkel noch: „Mossde
dech no emo lossloase, egal wearem, da kemmsde
mem Kobb aimo onner Wasser, doch schwubb ha ech dech
gepackt on Du läjjst mem Recke of minnem Buch, kast
de Fejjelcher se’ on m’r zwai schwemme zerecke. Ech
schwomm wi e Grotsche on hadde en wane Schbass d’rbi.
Hennerhear säden se en d‘r Familje: „Dat Glai erren rechdje
Wasserratte.“
Aimol, a nem haisse Dach, kom och fa minner Dande
Leni d’r Ma met; doch fel lewer wär d’r Fritz d’rhaim
geblewe, si hadde än awer rechdech metgezerrt. „Ech lä
mech en de Sonn, ear konnt jo schwemme go“, säde hä
e bessje ogehale. Am schbäe Nommedach woaret äm da
ze haiss woarn, hä sog och so glenich uss, woll ofschdo
on fel aifach em. „Hitzschlag“, säden de Sanitäter on en
defdije Sonnebrand d’rzo. En Zittlang sog d’r Fritz uss wi
en Gwälldoffel, di geschällt wearn moss, doch hennerhear
genget äm werrer got, on wann hä schbäer emo erjendwat
net woll on säde: „En-nä! Frou!“, da säde det Leni: „Es got!
Ma!“ – Scha, darret d’r Leimber Wäjjer neme get.
Gerda Greis
durchblick 2/2007 7