ETBI Journal of Education - Vol 2:2 November 2020 (Irish-medium Education)

ETBI Journal of Education November 2020
tacaíocht ar fáil ach í a iarraidh. Bhí muintir
COGG lán tsásta leis agus fonn orthu cúpla pingin
a chaitheamh isteach sa sparán.
De réir mar a bhí an tacaíocht ag borradh bhí an
dóchas agus an misneach sa seomra foirne ag dul
i méid agus ní raibh aon leisce ar bhreis is dosaen
múinteoirí freastal ar chúrsa teanga sa choláiste
ollscoile. Chaith na múinteoirí sin bliain chruaidh
ag foghlaim agus ag déanamh léinn sa choláiste
ollscoile. Seo leo siar ansan go Corca Dhuibhne
mar ar chaitheadar deireadh seachtaine
scléipeach agus mar ar chuireadar barr feabhais
ar a raibh foghlamtha acu go dtí seo.
Ní briathra a dhearbhaíonn ach gníomh. Bhí an
méid sin soiléir ag an bpointe seo agus faid is a
bhí na múinteoirí ag foghlaim bhí an príomhoide
agus an príomhoide tánaisteach ag scaipeadh
an scéil sa cheantar. Bíonn sé tábhachtach i
gcónaí go mbeadh dea-mhéin ag na príomhoidí
bunscoile d’aon fheachtas nua sa mheánscoil.
Cuireann a leithéid de dhearcadh le comhbhá
agus le muintearas agus ba léir sara bhfad go
raibh príomhoidí na mbunscoileanna chomh
tógtha céanna leis an bhfeachtas.
Cara mór eile atá ag an scoil ná Apple atá suite ar
leac an dorais....iad thar a bheith caidreamhach
agus cabhrach, iad flaithiúil, fuinniúil agus
fáiltiúil. Thug Apple agus duine den bhfoireann
Éanna Ó Brádaigh an-chúnamh go deo agus
anois tá an scoil lom lán de iPadanna agus mórán
gléasanna nua-aimseartha eile a thugann deis do
na daltaí dul i ngleic leis an saol teicneolaíochta.
Ach cad faoi Ghaelcholáistí eile? Conas a bhí
ag éirí leo siúd? Cad iad na deacrachtaí a bhí
le sárú? Ní neart go cur le chéile agus as go
brách leis an bhfoireann timpeall an chontae
ag féachaint ar a raibh ar siúl. Buntáiste mór
a bhaineann le BOOC ná go bhfuil dornán deas
scoileanna ag múineadh tré mheán na Gaeilge
agus bhí comhairle ar fáil uathu siúd. Ábhar
misnigh don bhfoireann gaelcholáiste faoi lán
tseoil a fheiscint agus gnó iomlán na scoile a
reáchtáil as Gaeilge. Is féidir linn ba ea an mana
nua anois i gcroí na múinteoirí mar go raibh an
aisling ag éirí níos iomláine agus tuigeadh de réir
a chéile go bhféadfaí an cúram seo a chur i gcrích
go slachtmhar.
Gné an-tábhachtach sa chúram seo ná duine
stuama foighneach cáiréiseach a fháil a
bhainisteodh an Gaelcholáiste sara gceapfaí
múinteoir i bhfeighil. Bhí an t-ádh dearg leis an
scoil go raibh fáil ar Hilary O’Connor, iar-imreoir
haca le Cúige Mumhan agus Gaeilgeoir den scoth.
Tá ocht mbliana caite aici sa scoil agus í daingean
docht dílis i mbun a cúraimí riamh is i gcónaí.
Tá cuma mháithriúil uirthi agus dá bharr san
braitheann na páistí ar a suaimhneas ina teannta.
Is é an múinteoir i bhfeighil an chéad ainm
a luaitear le haonaid lán Ghaeilge. Is é an
múinteoir seo a chuireann fuinneamh agus
spleodar san aonad, a threoraíonn mórán des
na gníomhaíochtaí agus a chuireann comhairle
ar an bpríomhoide. Tá scileanna sa bhreis i
gceist sa ghnó seo. Cathain is fearr seasamh siar
agus cathain is fearr do ladhar a chur sa scéal.
Gnó an-tábhachtach mar sin is ea é an duine
ceart a aimsiú agus ba cheart i gcónaí tamall a
chaitheamh ag machnamh ar an rogha seo.
Ach ná dearmadaimis na tuismitheoirí! Céim
chróga dóibh siúd ba ea í an t-aonad lán Ghaeilge
a roghnú. Ní raibh aon taithí ag éinne acu ar
a leithéid agus chuir siad a muinín ar fad sa
phríomhoide agus sa bhfoireann. Ní rabhadar ag
PAGE 81