Kujdesi spitalor për fëmijë - ICHRC

• Nëse frekuenca e frymëmarrjes, temperatura dhe ushqyerja nuk janë
përmirësuar, kalo në antibiotikun e zgjedhjes së dytë dhe këshilloje nënën që
të kthehet sërish pas 2 ditësh.
• Nëse ka shenja të pneumonisë së rëndë apo shumë të rëndë, pranoje fëmijën
në spital dhe trajtoje sipas udhëzimeve të mësipërme.
4.2.4 Eksudati pleural dhe empiema
Eksudati plEural dHE EmpiEma
diagnoza
Fëmija me pneumoni të rëndë apo shumë të rëndë mund të zhvillojë eksudat
pleural apo empiemë.
n Në ekzaminim, krahërori ka matitet në perkutim dhe zhurmat e frymëmarrjes
janë të zvogëluara, apo mungojnë mbi regjionin e prekur.
n Fërkimi pleural mund të dëgjohet në ndonjë fazë të mëhershme, para se të
zhvillohet plotësisht eksudati.
n Radiografia e krahërorit tregon lëng në njërën apo në të dy anët e krahërorit.
n Kur empiema është e pranishme, temperatura persiston përkundër terapisë
me antibiotik dhe lëngu pleural është i turbullt apo qartë purulent.
trajtimi
Drenimi
ä Eksudatet pleurale duhet drenuar, pos nëse janë shumë të vogla. Nëse eksudatet
janë të pranishme në të dy anët e krahërorit, drenoi të dyja. Mund të jetë e
domosdoshme që të përsëritet drenimi 2-3 herë, nëse lëngu kthehet. Shih
Shtojcën A1.6, faqe 322, për udhëzime mbi drenimin e krahërorit.
Menaxhimi i mëtutjeshëm varet nga karakteri i lëngut të fituar.
Kur është e mundur lëngu pleural duhet analizuar për proteine dhe përmbajtje
glukoze, numër të qelizave dhe diferencimin e qelizave, si dhe duhet ekzaminuar
sipas ngjyrosjes së Gram-it dhe Ziehl-Neelsen-it, si dhe kulturës bakteriale dhe
të Mycobacterium tuberculosis-it.
Terapia me antibiotik
ä Jepi ceftriakson (80 mg/kg IM apo IV në 24 orë) deri sa fëmija të përmirësohet.
Pastaj vazhdo oral (si më lartë) për gjithsejtë 4 javë.
äNëse infeksioni me Stafilokokus aureus është përcaktuar, më mirë jepi cloxacillin
(doza: 50 mg/kg IM apo IV çdo 6 orë) dhe gentamicin (doza: 7.5 mg/kg IM
apo IV një herë në ditë). Kur fëmija të përmirësohet, vazhdo me cloxacillin
oral, 4 herë në ditë. Vazhdo trajtimin për 3 javë të plota.
81
4. kolla