Kujdesi spitalor për fëmijë - ICHRC

6. TemperaTura
inFeKsioneT e TraKTiT urinar
Diagnoza
Te fëmijët e vegjël, ITU shpesh paraqiten me shenja jo specifike në ekzaminim,
siç janë vjellja, temperatura, shqetësimi, apo ngecja në zhvillim. Fëmijët më të
mëdhenj mund të paraqesin shenja më specifike siç janë dhembjet abdominale,
dhembjet gjatë urinimit apo urinim të shpeshtuar.
hulumtimet
n Kryej analizën mikroskopike të mostrave të urinës së pastër, freskët dhe të
pacentrifuguar. Rastet e ITU zakonisht do të tregojnë >5 leukocite për fushën me
zmadhim të lartë, apo lakmusi do të tregojë rezultatet pozitive për leukocite.
n Nëse është e mundur, siguro “vrushkullin e pastër” të mostrës së urinës për
kulturë. Në foshnjat e sëmura mund të kërkohet aspirimi supra-pubik (shih
faqe 324).
Trajtimi
ä Trajto fëmijën si pacient të jashtëm, përveç:
— kur ka temperaturë të lartë dhe çrregullime sistematike (si, vjellë gjithçka
apo është i/e paaftë për të pirë apo ushqyer me qumësht të gjirit), apo
— kur ka shenja të pielonefritit (dhembje apo ndjeshmëri të ijeve), apo
— në foshnjat e vogla.
ä Jepi cotrimoxazole per oral (4 mg trimethoprim/20 mg sulfamethoxazole
për kg çdo 12 orë) për 5 ditë. Në mënyrë alternative përfshijë ampicillinin,
amoxicillinin dhe cefalexinin, varësisht nga ndjeshmëria lokale e llojeve të E.
coli dhe bacileve tjera gram-negative, të cilat shkaktojnë ITU dhe nga posedimi
i antibiotikëve (shih faqe 329 për detaje të tjera të regjimeve të dozimit).
ä Nëse ka përgjigje të dobët ndaj antibiotikëve të radhës së parë, apo gjendja
e fëmijës përkeqësohet, jepi gentamicin (7.5 mg/kg IM, një herë në ditë) dhe
ampicillin (50 mg/kg IM/IV çdo 6 orë) apo cephalosporine parenteral (shih
faqe 334-335). Merri para sysh komplikimet si pielonefritin (ndjeshmëri në
këndet, kosto-vertebrale dhe temperaturë të lartë) apo septikemin.
ä Trajtoje foshnjën e vogël me moshë < 2 muajsh me gentamicin (7.5 mg/kg
IM, një herë në ditë) deri sa të ulet temperatura; pastaj rishqyrtoje. Shiko për
shenjat e infeksionit sistemik dhe nëse ato mungojnë, vazhdo me trajtim oral,
siç është përshkruar më lartë.
Kujdesi përkrahës
Fëmija duhet të inkurajohet për të pirë apo thithur qumësht gjiri rregullisht,
me qëllim që të realizojë marrjen e duhur të lëngjeve, e cila do të ndihmojë në
pastrimin e infeksionit dhe parandalimin e dehidrimit.
164