Kujdesi spitalor për fëmijë - ICHRC

8. HIV/AIDS
trAjtImI tjetër për FëmIjën HIV-pozItIV
8.3 Trajtimi tjetër për fëmijën HIV-pozitiv
8.3.1 Imunizimi
• Fëmijëve që kanë, apo dyshohet se kanë, infeksion me HIV, por akoma nuk
janë simptomatik, duhet dhënë të gjitha vaksinat e duhura (sipas kalendarit
kombëtarë të PZI për vaksinim), përfshirë BCG dhe, kur është e rëndësishme,
vaksinën e etheve të verdha. Për shkak se shumica e fëmijëve HIV-pozitiv kanë
një përgjigje imune efektive në vitin e parë të jetës, imunizimi duhet bërë sa
më herët që të jetë e mundur, pas moshës së rekomanduar të vaksinimit.
• Të mos u jepet BCG dhe vaksina e etheve të verdha, fëmijëve me infeksione
simptomatik me HIV.
• Jepu të gjithë fëmijëve me infeksion me HIV (pavarësisht nëse ata janë apo
nuk janë simptomatik) një dozë shtesë të vaksinës kundër fruthit, në moshën
6 muajshe, si dhe dozën standarde në moshën 9 muajshe.
8.3.2 Profilaksa me cotrimoxazole
Profilaksa me cotrimoxazole është dëshmuar të jetë shumë efektive në foshnjat
dhe fëmijët e infektuar me HIV, në zvogëlimin e vdekshmërisë dhe shkallës së
PPC, si shkak i pneumonisë së rëndë. PPC është tani shumë e pazakonshme, në
vendet ku profilaksia është rutinë.
kush duhet të marrë cotrimoxazole
• Të gjithë fëmijët e ekspozuar në HIV (fëmijët e lindur nga nënat e infektuara
me HIV) prej moshës 4–6 javëshe (qofshin apo jo pjesë e programit për
parandalimin e bartjes nga nëna-në-fëmijë [PPBNF])
• Çdo fëmijë i identifikuar si i infektuar me HIV, me ndonjë shenjë klinike apo
simptomë sugjestive për HIV, pavarësisht nga mosha apo numri i CD4.
Sa gjatë duhet dhënë cotrimoxazole
Cotrimoxazole kërkohet ta marrin si vijon:
• Fëmijët e ekspozuar në HIV – deri sa infeksioni definitivisht të jetë përjashtuar
dhe nëna të ndërprejë të ushqyerit në gji
• Fëmijët e infektuar me HIV – pa marrë parasysh nëse trajtimi me ARV akoma
nuk është në dispozicion.
• Ku trajtimi me ARV është duke u dhënë - cotrimoxazole mund të ndërpritet
vetëm kur indikatorët klinik apo imunologjik konfirmojnë rivendosjen e sistemit
imun për 6 muaj apo më shumë (gjithashtu shih më poshtë). Me dëshmitë
aktuale akoma nuk është e qartë nëse cotrimoxazole vazhdon të sigurojë
mbrojtje pas arritjes së restaurimit imun.
218