Kujdesi spitalor për fëmijë - ICHRC

Procedurat
dëShtimi Për të Siguruar ÇaSje në venat Periferike
ruajtja e kanilës
Siguroje kanilën kur ta kesh vendosur. Për këtë mund të kërkohet imobilizimi i
nyjeve të afërta, për të kufizuar lëvizjet e kateterit. Mbaje lëkurën mbi të pastër
dhe të thatë. Mbushe kanilën me tretësirë të heparinës apo tretësirë fiziologjike
menjëherë pas thumbimit të parë dhe pas secilit injeksion të ardhshëm.
komplikimet më të shpeshta
Infeksioni sipërfaqësor i lëkurës në vendin futjes së kanilës, është komplikimi më
i shpeshtë. Infeksioni mund të çojë në tromboflebit, që mund të bllokojë venën
dhe të rezultojë me temperaturë. Lëkura përreth është e skuqur dhe e ndjeshme.
Largoje kanilën për të zvogëluar rrezikun prej përhapjes së mëtutjeshme të
infeksionit. Apliko kompresa të ngrohta në atë vend për 30 minuta, çdo 6 orë.
Nëse perziston temperatura për më shumë se 24 orë, duhet filluar trajtimin me
antibiotik (efektivë kundër stafilokokëve), p.sh. cloxacillin.
dhënia iv e barnave përmes një kanile të qëndrueshme
Kyçe shiringën që përmban barin IV në portin e injeksionit të kanulës dhe jepe
barin. Sapo të jetë dhënë krejt bari, injekto 0.5 ml tretësirë heparine (10–100
njësi/ml) apo tretësirë fiziologjike në kanilë, deri sa i gjithë gjaku të jetë hedhur
në të dhe kateteri të jetë mbushur me tretësirë.
Nëse infuzioni përmes një venë periferike apo venë të skalpit nuk është i mundur,
ndërsa është esenciale që lëngu IV të jepet për të shpëtuar fëmijën:
• kyçe një infuzion intraoseal
• apo shfrytëzo një venë qendrore
• apo kryeje preparimin e venës.
A1.2.2 Infuzioni intraoseal
Kur kryhet nga një profesionist shëndetësor i aftësuar mirë dhe me përvojë,
infuzioni intraoseal është i sigurt, metodë e thjeshtë dhe e besueshme e dhënies
së lëngjeve dhe barnave në një situatë emergjente.
Zgjedhja e parë për punksion është tibia proksimale. Vendi për futjen e gjilpërës
është në vijën e mesme të sipërfaqes antero-mediale të tibies, në pikëtakimin e
një të tretës së sipërme dhe asaj të mesme, për të shmangur lëndimin e pllakëzës
epifizeale (e cila është më e lartë në tibie). Një vend rezervë për futjen e gjilpërës
është femuri distal, 2 cm mbi kondilin lateral.
• Përgatite pajisjen e domosdoshme, p.sh.:
314
— gjilpërat aspiruese të palcës së eshtrave apo gjilpërat intraoseale (15–18)