Kujdesi spitalor për fëmijë - ICHRC

8. HIV/AIDS
menAxHImI I gjenDjeVe të lIDHurA me HIV
8.3.3 Të ushqyerit
• Fëmijët duhet të hanë ushqime të pasura me energji dhe të rrisin marrjen e
tyre të energjisë
• Të rriturit dhe fëmijët e infektuar me HIV duhet inkurajuar që të hanë ushqime
të llojllojshme, që sigurojnë marrje mikronutrientësh.
8.4 Menaxhimi i gjendjeve të lidhura me HIV
Trajtimi i shumicës së infeksioneve (siç janë pneumonia, diarreja, meningjiti) në
fëmijët e infektuar me HIV është i njëjtë sikur për fëmijët tjerë. Në rastet e terapisë
së dështuar, shqyrto shfrytëzimin e antibiotikut të zgjedhjes së dytë. Trajtimi i
infeksioneve rekurrente është i njëjtë pavarësisht nga numri i përsëritjeve.
Disa nga gjendjet e lidhura me HIV kërkojnë menaxhim specifik. Këto janë
përshkruar më poshtë.
8.4.1 Tuberkuloza
Në fëmijët me infeksion të dyshuar apo dëshmuar me HIV, gjithmonë është e
rëndësishme që të shqyrtohet diagnoza e tuberkulozes.
Diagnostikimi i tuberkulozes, në fëmijë me infeksion me HIV, shpesh është i
vështirë. Herët në një infeksion me HIV, kur imuniteti nuk është dëmtuar, shenjat e
tuberkulozes janë të ngjashme me ato në fëmijët pa infeksion me HIV. Tuberkuloza
mushkërore akoma është forma më e shpeshtë e tuberkulozes edhe në fëmijët e
infektuar me HIV. Duke progreduar infeksioni me HIV edhe imuniteti dobësohet,
përhapja e tuberkulozes bëhet më e shpeshtë. Paraqiten meningjiti tuberkular,
tuberkuloza miliare dhe limfadenopatia e shpërndarë tuberkulare.
ä Trajto tuberkulozen në fëmijët e infektuar me HIV me të njëjtin regjim barnash
antituberkulare, sikur për fëmijët pa infeksion të HIV-it, por zëvendësoje
thioacetazonen me një antibiotik tjetër (referohu në udhërrëfyesit kombëtarë
të tuberkulozes apo shih seksionin 4.7, faqe 101).
220
Vërejtje: Thioacetazone është i shoqëruar me rrezik të lartë për reaksione
lëkurore të rënda dhe nganjëherë fatale, në fëmijët e infektuar me HIV. Këto
reaksione mund të fillojnë me kruarje, por përparojnë në reaksione të rënda.
Nëse thioacetazone duhet dhënë, paralajmëro prindërit mbi rrezikun e reaksioneve
të rënda të lëkurës dhe këshilloi ata që të ndërprejnë thioacetazonen
menjëherë, nëse ka kruarje apo paraqiten reaksione lëkure.
8.4.2 Pneumonia pneumocystis jiroveci (ish carinii) (PPC)
Veje diagnozën e supozuar të pneumonisë nga pneumocystis carini në fëmijën
që ka pneumoni të rëndë apo shumë të rëndë dhe infiltrate instersticiale të dyanshme,
në radiografi krahërori. Merre parasysh mundësin e pneumonisë nga