Kujdesi spitalor për fëmijë - ICHRC

cotrimoxazoli dhe erythromycina (për dozat, shih Shtojcën 2, faqe 329).
ä Përshkruaj shtesa të Zinkut, sa më parë që të ndalet të vjellurit (shih faqe 118).
Përcjellja
Rivlerësoje fëmijën çdo 15 – 30 minuta derisa pulsi radial të jetë i fuqishëm.
Nëse rehidrimi nuk e përmirëson gjendjen, jepi tretësirë IV më shpejtë. Pastaj,
rivlerësoje fëmijën së paku çdo orë, me qëllim të verifikimit nëse hidrimi është
duke u përmirësuar, duke kontrolluar rrudhën e lëkurës, nivelin e vetëdijes dhe
aftësinë për të pirë. Sytë e fundosur përmirësohen më ngadalë sesa shenjat tjera
dhe përcjellja e tyre është më pak e dobishme.
Kur tërë sasia e lëngjeve IV të jetë dhënë, rivlerëso tërësisht gjendjen e hidrimit
të fëmijës, duke shfrytezuar tabelën 7 (faqe 12).
• Nëse shenjat e dehidrimit të rëndë janë ende të pranishme, përsëriti infuzionet
e lëngjeve IV, siç është theksuar më parë. Dehidrimi i rëndë perzistent pas
rehidrimit IV është i pazakonshëm dhe zakonisht ndodhë te fëmijët që kanë
jashtëqitje të shpeshta dhe të mëdha ujore në fazën e rehidrimit.
• Nëse fëmija përmirësohet por prapë tregon shenja të dehidrimit të mesëm,
ndërpreje trajtimin IV dhe jepi tretje ORS për 4 orë (shih seksionin 5.1.2 më
poshtë dhe Planin B të trajtimit të diarresë, faqe 117). Nëse fëmija ushqehet
normalisht me qumësht gjiri, inkurajo nënën për të vazhduar të ushqyerit sa
më shpesh.
• Nëse nuk ka shenja të dehidrimit, përcilli udhërrëfyesit në seksionin 5.1.3
dhe Planin A për trajtimin e diarresë, faqe 120. Kur është e përshtatshme,
inkurajo nënën për të vazhduar të ushqyerit sa më shpesh me qumësht të
gjirit. Observo fëmijën për së paku 6 orë, para se ta lirosh, për të konfirmuar
se nëna është e aftë për të mbajtur gjendjen e hidrimit të fëmijës, duke i dhënë
tretje të ORS-së.
Të gjithë fëmijët duhet të fillojnë marrjen e tretësirë së ORS-së (rreth 5 ml/kg/orë)
me gotë kur mund të pijnë pa ndonjë vështirësi (zakonisht 3-4 orë për foshnjat,
apo 1-2 orë për fëmijët më të rritur). Kjo ofron bazën dhe kaliumin plotësues, që
mund të mos jenë dhënë në mënyrë adekuate përmes tretësirave IV.
Kur dehidrimi i rëndë të jetë përmirësuar, përshkruaje zinkun (shih faqe 118).
5.2.2 Dehidrimi i mesëm
DehiDrimi i meSëm
Në përgjithësi, fëmijëve me dehidrim të mesëm duhet t’iu japim tretje të ORS-së,
për 4 orët e para në institucionin shëndetësor, kur fëmija është i mbikqyrur dhe
nëna mësohet se si të përgatisë dhe jap tretjen e ORS-së.
115
5. Diarrea