Kujdesi spitalor për fëmijë - ICHRC

3. Foshnjat
Kujdesi rutinor për të porsalindurin në lindje
Ky kapitull ofron udhëzime për menaxhimin e problemeve në të porsalindur dhe
foshnje të vogla prej lindjes deri në moshën 2 muajsh. Përfshinë reanimimin
neonatal, zbulimin dhe menaxhimin e sepsës neonatale dhe infeksioneve tjera
bakteriale dhe menaxhimin e foshnjave me peshë të ulët dhe shumë të ulët në
lindje (PShUL). Tabelat e barnave për barnat e përdorura më së shpeshti në të
porsalindur dhe foshnje të vogla janë përfshirë në fund të këtij kapitulli, gjithashtu
janë paraqitur dozat për foshnjat me peshë të ulët në lindje dhe prematurë.
3.1 Kujdesi rutinor për të porsalindurin në lindje
Shumica e foshnjave kërkojnë vetëm kujdes të thjeshtë përkrahës në lindje dhe
pas lindjes.
ä Tere foshnjën me peshqir të pastër.
ä Vëzhgoje foshnjën, (shih diagramin 12) deri sa e fshin.
ä Jepja foshnjën nënës sa më parë që të jetë e mundur, veja në kraharor/abdomen.
ä Mbuloje foshnjën për të parandaluar humbjen e nxehtësisë.
ä Inkurajo fillimin e të ushqyerit në gji, brenda orës së parë.
Kontakti lëkurë-me-lëkurë dhe të ushqyerit e hershëm në gji janë mënyrat më të
mira për të mbajtur foshnjën ngrohtë dhe për të parandaluar hipoglikeminë.
3.2 Reanimimi neonatal
Për disa foshnje nevoja për reanimim mund të parashikohet: atyre që linden
nga nënat me sëmundje kronike, ku nëna ka pasur vdekje të mëparshme fetale
apo neonatale, nëna me pre-eklampsi, në shtatzënitë e shumëfishta, në lindjet e
parakohshme, në prezantimet anormale të fetusit, me kordon të prolabuar, kur
kemi të bëjmë me lindje të zgjatur apo rupturë membranash, lëng të ndotur me
mekonium.
Sidoqoftë, për shumë foshnje, nevoja për reanimim nuk mund të parashikohet
para lindjes. Kështu që,
• qëndro i përgatitur për reanimim në çdo lindje,
• përmbaju hapave të vlerësimit nga diagrami 12.
42