Kujdesi spitalor për fëmijë - ICHRC

1. VTTE
PrinciPET E hElmEVE TE inhaluara
1.5.3 Principet e helmeve te inhaluara
ä Largoje nga burimi i ekspozimit.
ä Jepi oksigjen shtesë, nëse kërkohet.
Inhalimi i gazrave irituese mund të shkaktojë ënjtje dhe obstruksion të rrugëve të
sipërme të frymëmarrjes, bronhospazëm dhe pneumoni të vonuar. Mund të jenë
të nevojshme intubimi, bronkodilatorët dhe përkrahja me ventilim.
1.5.4 Helmet specifike
Komponimet korrozive
Shembujt—hidroksidi i natriumit, hidroksidi i kaliumit, acidet, zbardhësit
apo dezinfektuesit
ä Të mos nxitet vjellja apo përdoret karboni medicinal i aktivizuar, kur janë gëlltitur
korrozivë, duke qenë se kjo mund të shkaktojë dëmtime më të mëdha në gojë,
grykë, rrugë të frymëmarrjes, ezofag dhe lukth.
ä Jepi qumësht apo ujë sa më parë që të jetë e mundur, për të holluar agjentin
korroziv.
ä Pastaj mos i jep fëmijës asgjë nëpër gojë dhe organizo konsultën kirurgjike,
për të kontrolluar për dëmtim/rupturë ezofagu, nëse është e rëndë.
Komponimet e vajgurit
Shembujt—vajguri, terpentina, nafta
ä mos nxit vjelljen as mos jep karbon medicinal të aktivizuar meqë inhalimi mund
të shkaktojë distres respirator me hipoksemi si pasojë e edemit pulmonar dhe
pneumonisë lipoide. Gëlltitja mund të shkaktojë encefalopati.
ä Trajtimi specifik përfshin terapinë me oksigjen nëse ka distres respirator (shih
faqe 285).
Komponimet organofosforike dhe karbamate
Shembujt: organofosforikët – malationi, parationi, TEPP (tetraa-thylpyrophosphat),
mevinfos (Phosdrin); dhe karbamatet – methiokarb, karbaril
Këto mund të absorbohen nëpër lëkurë, gëlltiten apo inhalohen.
Fëmija mund të ankohet për vjellje, diarre, shikim të turbulluar apo dobësi. Shenjat
janë ato të aktivizimit të tepërt të parasimpatikusit: salivacion, djersitje, lotim,
puls të ngadalësuar, bebëza të vogla, konvulsione, dobësi/shtangim muskujsh,
pastaj paralizë dhe humbje e kontrollit të fshikëzës, edem pulmonar, depresion
respirator.
28