Kujdesi spitalor për fëmijë - ICHRC

7. Kequshqyeshmëria
inFeKsioni
trajtimi
ä Jepi kalium plotësues (3–4 mmol/kg ditë).
ä Jepi magnez plotësues (0.4–0.6 mmol/kg ditë).
Kaliumi dhe magnezi plotësues duhen shtuar në shujta, gjatë përgatitjes së
tyre. Shih faqe 184 për recetën për përgatitjen e tretësirës së kombinuar të
elektroliteve/mineraleve. Shto 20 ml të kësaj tretësire në 1 litër shujtë, për ta
pasuruar me shtesat e kërkuara të kaliumit dhe magnezit. Si alternativë, shfrytëzo
qeset komerciale të përziera paraprakisht (të komponuara veçantë për fëmijët
e kequshqyer).
ä Kur e rehidron, jepi lëngje rehidruese me pak natrium (ReSoMal) (shih recetën,
faqe 183).
ä Përgatite ushqimin pa i shtuar kripë.
7.4.5 Infeksioni
Në kequshqyeshmërinë e rëndë, shenjat e zakonshme të infeksionit siç është temperatura
shpesh mungojnë, sidoqoftë infeksionet e shumëfishta janë të shpeshta.
Kështu që, supozo se të gjithë fëmijët e kequshqyer kanë një infeksion sapo të
vijnë në spital dhe trajtoje me antibiotik menjëherë sapo të arrij. Hipoglikemia
dhe hipotermia janë shenja të infeksionit të rëndë.
trajtimi
Jepu të gjithë fëmijëve të kequshqyer rëndë:
ä një antibiotik të spektrit të gjerë
ä vaksinën e fruthit nëse fëmija është ≥ 6 muajsh dhe nuk është i vaksinuar, apo
nëse fëmija është >9 muajsh dhe ka qenë i vaksinuar para moshës 9 muajsh,
por shtyje vaksinimin nëse fëmija është në shok.
Zgjedhjet e antibiotikëve të spektrit të gjerë
ä Nëse fëmija duket se ka komplikime, jepi cotrimoxazole (dozimi: shih faqe
339) për 5 ditë
ä Nëse ka komplikime (hipoglikemi, hipotermi, apo fëmija duket letargjik, apo i
sëmurë), jepi:
186
— ampicillin (50 mg/kg IM/IV çdo 6 orë për 2 ditë), pastaj amoxicillin oral
(15 mg/kg, çdo 8 orë, për 5 ditë) APO, nëse nuk ka amoxicillin, ampicillin
oral (50 mg/kg, çdo 6 orë, për 5 ditë), gjatë 7 ditëve të plota
DHE
— gentamicin (7.5 mg/kg IM/IV) një herë në ditë, për 7 ditë.
ä Nëse fëmija dështon të përmirësohet brenda 48 orëve, shto chloramphenicol
(25 mg/kg IM/IV, çdo 8 orë) për 5 ditë.