Kujdesi spitalor për fëmijë - ICHRC

— A ka fëmija peritonit—pezmatim i shtratit peritoneal? Kjo është pyetje
kritike, pasi që shumica e shkaktarëve të peritonitit tek fëmijët, kërkojnë
intervenim kirurgjik.
n Shenjat e peritonitit përfshijnë ndjeshmërinë gjatë palpimit, dhimbjen e
abdomenit kur fëmija kërcen, apo kur pelviku i tij tundet, apo spazmet e
muskulaturës së abdomenit pas palpimit. Abdomeni rigid, që nuk lëviz gjatë
respiracionit është një shenjë tjetër e peritonitit.
trajtimi
ä Mos i jep fëmijës asgjë per os.
ä Nëse ka vjellje apo distenzion abdominal, vendosi tubën nazogastrike.
ä Jepi lëngje intravenoze (shumica e fëmijëve që paraqiten me dhimbje abdominale
janë të dehidruar), për të korrigjuar mungesën e lëngjeve (tretje fiziologjike
10–20 ml/kg e përsëritur sipas nevojës) pasuar me 150% të nevojave për
lëngje (shih faqen 277).
ä Jepi analgjetik nëse dhimbja është e fortë (kjo nuk do të maskojë problemin
serioz intraabdominal, madje mund të lehtësojë ekzaminimin).
ä Përsërite ekzaminimin, nëse diagnoza është në pyetje.
ä Jepi antibiotikë nëse ka shenja të peritonitit. Për të vepruar mbi florën enterike
(Bakteret Gram-negative, Enterococcus dhe anaerobet): jepi ampicillin (25–50
mg/kg IM, apo IV katër herë në ditë), gentamicin (7.5 mg/kg IM apo IV një
herë në ditë) dhe metronidazole (7.5 mg/kg tri herë në ditë).
RISHIKIM URGJENT nga kirurgu i fëmijëve.
9.4.2 Apendiciti
Shkaktohet nga obstruksioni i lumenit të apendiksit. Fekolitet, hiperplazia limfoide
dhe parazitët gastrointestinal mund të shkaktojnë obstruksion. Nëse nuk zbulohet
ruptura e apendiksit, kjo do të çojë deri në peritonit dhe formim të abscesit.
diagnoza
n Temperaturë e ngritur, anoreksi, vjellje (variabile)
apendiciti
n Mund të fillojë si dhimbje përreth kërthizës, por shenja më e rëndësishme
klinike është dhembja e vazhdueshme dhe ndjeshmëria palpuese në kuadratin
e poshtëm, të djathtë të abdomenit.
n Mund të ngatërrohet me infeksionet e traktit urinar, gurët në veshkë, problemet
e vezoreve, adenitet mesenterike, ileitet.
255
9. KirurgjiK